ସୋସିଆଲ ମିଡ଼ିଆରେ ସେକ୍ସ ଜାଲ: ଫସିବ ତ ହୋଇଯିବ ତଳିତଳାନ୍ତ

ନୂଆଦିଲ୍ଲୀ: ବନ୍ଧୁ ପରିଜନଙ୍କ ସହ ସମ୍ପର୍କ ପାଇଁ ସୋସିଆଲ ମିଡ଼ିଆ ଏକ ବଡ଼ ପ୍ଲାଟଫର୍ମ ସାଜିଛି । ଦୂରରେ ଥାଇ ବି ପ୍ରିୟଜନଙ୍କ ସହ ସମ୍ପର୍କରେ ରହି ପାରୁଛନ୍ତି ଲୋକେ । ବେଳେ ବେଳେ ସୋସିଆଲ ମିଡିଆ ବ୍ୟବହାରରେ ସାମାନ୍ୟ ଅସାମଧାନତା ଆପଣଙ୍କୁ ତଳିତଳାନ୍ତ କରିବା ସହ ଇଜ୍ଜତ ମହତ ବି ପାଣିରେ ପକାଇ ଦେବ । ଅସାମାଜିକ ତତ୍ବ ସୋସିଆଲ ମିଡ଼ିଆକୁ ଅପବ୍ୟବହାର କରି ଲୋକଙ୍କୁ ଲୁଟୁଥିବାର ବହୁ ନଜିର ରହିଛି । ସୋସିଆଲ ମିଡିଆରେ ସେକ୍ସ କଣ୍ଟେନ ପୋଷ୍ଟ କରି ଲୋକଙ୍କୁ ଠକିବା କିଛି ନୂଆ କଥା ନୁହେଁ । ଏବେ ସୋସିଆଲ ମିଡ଼ିଆରେ ସେକ୍ସର ମାୟା ଜାଲ ବିଛାଇ ବ୍ଲାକମେଲିଂ କରି ସେକ୍ସୋଟର୍ମ ମାଧ୍ୟମରେ ଲୁଟା ଯାଉଛି ଲକ୍ଷ ଲକ୍ଷ ଟଙ୍କା । ଦିଲ୍ଲୀ ପଶ୍ଚିମ ବିହାରରୁ ଏମିତି ଏକ ଅଭିଯୋଗ ଆସିବା ପରେ ସୋସିଆଲ ମିଡିଆର ବ୍ୟବହାରକୁ ନେଇ ଉଠିବାରେ ଲାଗିଛି ପ୍ରଶ୍ନ । ପଶ୍ଚିମ ବିହାରରେ ସେକ୍ସୋଟର୍ମ ନାଁରେ ୩ ଲକ୍ଷ ଟଙ୍କା ଦାବି କରାଯାଇଥିବେ ଅଭିଯୋଗ ହୋଇଛି ।

ଦିଲ୍ଲୀ ପୋଲିସକୁ ଅଭିଯୋଗ ମିଳିବା ପରେ ଅଭିଯୁକ୍ତକାରୀଙ୍କୁ ଧରିବାକୁ ଏକ ଟିମ୍ ଗଠନ କରାଯାଇଛି । ସବ ଇନ୍ସପେକ୍ଟର ସୀତାରାମ, ସବ ଇନ୍ସପେକ୍ଟର ମନୀଷ ଏବଂ ଏସିପି ଅରବିନ୍ଦ କୁମାରଙ୍କୁ ନେଇ ଗଠିତ ଟିମ୍ ଏହାର ତଦନ୍ତ ଆରମ୍ଭ କରିବା ସହ ଅଭିଯୁକ୍ତଙ୍କୁ ଧରିବାକୁ ଜାଲ ବିଛାଇଥିଲେ ।

ମିଳିଥିବା ସୂଚନା ଅନୁସାରେ, ଅଭିଯୁକ୍ତ ପଶ୍ଚିମ ବିହାର ଅଞ୍ଚଳର ଏକ ଫ୍ଲାଟ୍ ଭଡ଼ାରେ ନେଇ ଏହି ସେକ୍ସ କାରବାର ଚଲାଇଥିଲେ । ବାହାଦୁରଗଡ଼ର ମାଷ୍ଟରମାଇଣ୍ଡ ନିରଜ ଏହି ଗ୍ୟାଙ୍ଗକୁ ଚଲାଉଥିବା ଟେକ୍ନିକାଲ ସର୍ଭିଲାନ୍ସ ଓ ଗୁପ୍ତଚରଙ୍କ ପାଖରୁ ପୋଲିସ ଟିମକୁ ସୂଚନା ମିଳିଥିଲା । ସୂଚନା ମିଳିବା ପରେ ନିରଜକୁ ଧରିବାକୁ ପୋଲିସ ଟିମ୍ କାମ ଆରମ୍ଭ କରି ଦେଇଥିଲା ଓ ପ୍ରଶାନ୍ତ ବିହାରରୁ ତାକୁ ଗିରଫ କରିବାକୁ ସକ୍ଷମ ହୋଇଥିଲେ ।

ହନିଟ୍ରାପରେ ଫସାଉ ଥିଲେ

ପଚରାଉଚରା ବେଳେ ଲୋକଙ୍କୁ ଗ୍ୟାଙ୍ଗ ହନିଟ୍ରାପରେ ଫସାଉ ଥିବା ସ୍ବୀକାର କରିଛି ନିରଜ । ତାଙ୍କ ଅନୁସାରେ, ଲୋକଙ୍କୁ ସୋସିଆଲ ମିଡ଼ିଆରେ ସେକ୍ସର ପ୍ରଲୋଭନ ଦେଖାଇ ଫ୍ଲାଟକୁ ଡକା ଯାଉଥିଲା । ସେଠାରେ ତାଙ୍କ ଭିଡିଓ କରି ସୋସିଆଲ ମିଡ଼ିଆରେ ଭାଇରାଲ କରିଦେବାକୁ ଧମକାଇ ଲକ୍ଷ ଲକ୍ଷ ଟଙ୍କା ଲୁଟା ଯାଉଥିଲା ।

ଗ୍ୟାଙ୍ଗରେ ଏକ ଝିଅ ବି ରହିଛି । ଯିଏ ହନିଟ୍ରାପ୍ ଜରିଆରେ ଲୋକଙ୍କୁ ଫସାଉଥିଲା । ଗ୍ୟାଙ୍ଗରେ ୫ ସଦସ୍ୟ ଆକ୍ଟିଭ ଥିଲେ । ବର୍ତ୍ତମାନ ସୁଦ୍ଧା ଏମାନେ ୧୨ରୁ ଅଧିକ ଲୋକଙ୍କୁ ଫସାଇ ସାରିଛନ୍ତି । ଫସୁଥିବା ଲୋକଙ୍କ ପାଖରୁ ଏମାନେ ୫ରୁ ୧୦ ଲକ୍ଷ ପର୍ଯ୍ୟନ୍ତ ଟଙ୍କା ଆଦାୟ କରିଛନ୍ତି ।

କରୋନାର ପ୍ରଥମ ଲହର ଆସିବା ପରେ ଏମାନେ ଆକ୍ଟିଭ ହୋଇଥିଲେ । ଗ୍ୟାଙ୍ଗରେ ଥିବା ଝିଅ ଲୋକଙ୍କ ପାଖକୁ ଫ୍ରେଣ୍ଡ ରିକୁଏଷ୍ଟ ଫଠାଉଥିଲା । ରିକୁଏଷ୍ଟ ଆସେପ୍ଟ ପରେ ସେକ୍ସ ପ୍ରଲୋଭନ ଦେଖାଇ ଯୁବତୀ ଲୋକଙ୍କୁ ଫସାଉଥିଲା । ପରେ ଭଡାରେ ନିଆଯାଇଥିବା ଫ୍ଲାଟକୁ ଡାକୁଥିଲା । ଉଭୟ ଏକାଠି ଥିବା ବେଳେ ଗ୍ୟାଙ୍ଗର ଅନ୍ୟ ସଦସ୍ୟ ପୋଲିସ ବେଶରେ ରୁମରେ ପଶି ଯାଉଥିଲେ ଓ ସେଇଠୁ ଆରମ୍ଭ ହେଉଥିଲା ସେକ୍ସ ବ୍ଲାକେମଲିଂ । ଗ୍ୟାଙ୍ଗ ମାଷ୍ଟର ମାଇଣ୍ଡ ଗିରଫ ହୋଇ ସାରିଥିବା ବେଳେ ଅନ୍ୟ ଅଭିଯୁକ୍ତଙ୍କୁ ଖୋଜୁଛି ପୋଲିସ ।