ଭୁବନେଶ୍ୱର: ପ୍ରେମରେ ପାଗଳ ଟ୍ୟୁସନ ମାଷ୍ଟରଙ୍କ ସାଂଘାତିକ କାରନାମା । ଦଶମ ଓ ଅଷ୍ଟମ ଶ୍ରେଣୀର ଦୁଇ ଛାତ୍ରୀଙ୍କୁ ନେଇ ଚମ୍ପଟ ମାରିଲେ ଟ୍ୟୁସନ୍ ସାର । ଗତ ରବିବାର ୧୯ ତାରିଖରେ ଘରେ ଏକ ଚିଠି ଲେଖି ୨ନାବାଳିକା ଛାତ୍ରୀ ଫେରାର ହୋଇଯାଇଛନ୍ତି । ଟ୍ୟୁସନ ମାଷ୍ଟର ଗୋପାଳକୃଷ୍ଣ ବାଡାତିୟା ଛାତ୍ରୀ ଦୁଇଜଣଙ୍କୁ ନେଇ ଯାଇଥିବା ବଡଗଡ଼ ଥାନାରେ ଅଭିଯୋଗ । ଭୁବନେଶ୍ୱର ବଡଗଡର ଭାରତୀ ପରିଡାଙ୍କ ୨ ନାବାଳିକା ଝିଅ ରବିବାର ଘରୁ ଫେରାର ହୋଇଯାଇଛନ୍ତି।
ଏନେଇ ବଡଗଡ ଥାନାରେ ଅଭିଯୋଗ ହୋଇଥିବାବେଳେ ଏପର୍ଯ୍ୟନ୍ତ ନାବାଳିକାଙ୍କ ପତ୍ତା ମିଳିପାରିନାହିଁ। ଅନ୍ୟପକ୍ଷରେ ଟ୍ୟୁସନ୍ ସାରଙ୍କ ସ୍ତ୍ରୀ ଓ ପିଲାଛୁଆଁକୁ ପୂର୍ବରୁ ପଚରାଉଚରା କରୁନଥିବାରୁ ଏହାକୁ ବିରୋଧ କରିଛନ୍ତି ଛାତ୍ରୀଙ୍କ ପରିବାର ଲୋକେ । କିଛି ଦିନ ଧରି ନାବାଳିକଙ୍କ ପରିବାର ଟ୍ୟୁସନ ସାରଙ୍କୁ କ୍ଳାସ ବନ୍ଦ କରିବାକୁ କହିବାରୁ ପିଲାଙ୍କୁ ନେଇଯିବା ପାଇଁ ଧମକ ଦେଇଥିଲେ। ରବିବାର ଏଭଳି ଘଟଣା ଅଭିଭାବକ ମାନଙ୍କ ମଧ୍ୟରେ ଭୟର ବାତାବରଣ ସୃଷ୍ଟି କରିଛି। ପୂର୍ବରୁ ମଧ୍ୟ ଦୁଇ ପିଲାଙ୍କୁ ଟ୍ୟୁସନ ମାଷ୍ଟର ଜଣଙ୍କ ଅଶ୍ଳୀଳ ବ୍ୟବହାର କରୁଥିବା ନେଇ ଅଭିଯୋଗ ହୋଇଛି । ତେବେ ବର୍ତ୍ତମାନର ଅଭିଯୋଗ ଆଧାରରେ ପୋଲିସ ମଧ୍ୟ ତଦନ୍ତ ଆରମ୍ଭ କରିବା ସହ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ।
