ଖୁବଶୀଘ୍ର ୧ ହଜାର କୋଟି ଛୁଇଁବ RRR
1 min read
ନୂଆଦିଲ୍ଲୀ: ଏସ୍ ଏସ୍ ରାଜାମୌଲିଙ୍କ ଫିଲ୍ମ RRR ସିନେମାଘରେ ଦୁଇ ସପ୍ତାହ ଧରି ରାଜ୍ କରୁଛି । ପ୍ରଥମ ସପ୍ତାହରେ ଫିଲ୍ମ ଜବରଦସ୍ତ କଲେକ୍ସନ୍ କରିଥିଲା । କିନ୍ତୁ ଦ୍ୱିତୀୟ ସପ୍ତାହରେ ସାମାନ୍ୟ କମିଗଲା । ଫିଲ୍ମର ହିନ୍ଦୀ ଭର୍ସନ ଘରୋଇ ବକ୍ସ ଅଫିସରେ ୨୦୦ କୋଟି ଅତିକ୍ରମ କରି ସାରିଛି । କିନ୍ତୁ ସମସ୍ତ ଭାଷାର ଓ୍ୱାର୍ଲଡ ଓ୍ୱାଇଡ କଲେକ୍ସନ୍ ଖୁବଶୀଘ୍ର ୧ ହଜାର କୋଟି ଛୁଇଁବାକୁ ଯାଉଛି । ଯାହା ତୃତୀୟ ସପ୍ତାହରେ ପୂରା ହୋଇଯିବାର ସମ୍ପୂର୍ଣ୍ଣ ସମ୍ଭାବନା ରହିଛି ।
୨୫ ମାର୍ଚ୍ଚ ସିନେମାଘରେ ରିଲିଜ୍ ହୋଇଥିବା RRR ୭ ଅପ୍ରେଲକୁ ୧୪ ଦିନ ପୂରା କରି ସାରିଛି । ବକ୍ସ ଅଫିସ ରିପୋର୍ଟ ଅନୁସାରେ ଫିଲ୍ମ ଗୁରୁବାର ପ୍ରାୟ ୬ କୋଟି କଲେକ୍ସନ୍ କରିଥିଲା । ଯାହା ସହିତ ୧୪ ଦିନର ନେଟ୍ କଲେକ୍ସନ୍ ୨୦୯ କୋଟିରେ ପହଞ୍ଚି ସାରିଛି । ପ୍ରଥମ ଏପ୍ରିଲରୁ ୭ ଏପ୍ରିଲ ମଧ୍ୟରେ ଦ୍ୱିତୀୟ ସପ୍ତାହରେ ଓ୍ୱିକେଣ୍ଡ ପରେ ଫିଲ୍ମର କଲେକ୍ସନ୍ ଉପରେ ପ୍ରଭାବ ପଡ଼ିଛି ।
ଏବେ ଯଦି ଓ୍ୱାର୍ଲଡ ଓ୍ୱାଇଡ କଲେକ୍ସନ୍ ବିଷୟରେ ଆଲୋଚନା କରିବା ତେବେ, RRR ରିଲିଜର ୩ ଦିନ ମଧ୍ୟରେ ୫ ଶହ କୋଟିର ଗ୍ରସ୍ କଲେକ୍ସନ କରିସାରିଥିଲା । ଏବେ ଫିଲ୍ମ ୧୦୦୦ କୋଟି ଗ୍ରସ୍ କଲେକ୍ସନ୍ ଆଡ଼କୁ ମୁହାଁଉଛି । ରିପୋର୍ଟ ଅନୁସାରେ ଏପର୍ଯ୍ୟନ୍ତ ଫିଲ୍ମ ପ୍ରାୟ ୯୫୦ କୋଟି ରୋଜଗାର କରି ସାରିଛି ।
