ଜ୍ଞାନବାପି ମସଜିଦ ମାମଲା: ଶୁଣାଣିକୁ ସ୍ଥଗିତ ରଖିଲେ ସୁପ୍ରିମକୋର୍ଟ

ନୂଆଦିଲ୍ଲୀ: ଜ୍ଞାନବାପି ମସଜିଦ ମାମଲା । ଶୁଣାଣିକୁ ସ୍ଥଗିତ ରଖିଲେ ସୁପ୍ରିମକୋର୍ଟ । ଏହି ବିବାଦୀୟ ମାମଲାର ଶୁଣାଣି ଆସନ୍ତାକାଲି ହେବ । ଏହା ସହ ବାରାଣସୀ କୋର୍ଟର ଶୁଣାଣି ଉପରେ ସ୍ଥଗିତାଦେଶ ଦେଇଛନ୍ତି ସର୍ବୋଚ୍ଚ ଅଦାଲତ । ସର୍ଭେବେଳେ ମସଜିଦ ଭିତରେ ଥିବା ଏକ କୂଅରୁ ଏକ ଶିବଲିଙ୍ଗର ସନ୍ଧାନ କରାଯାଇଛି ବୋଲି ଜଣେ ଓକିଲ ଦାବି କରିବା ପରେ ଏହାକୁ ନେଇ ବିବାଦ ବଢ଼ିଥିଲା ।

Gyanvapi mosque matter | 2 proceedings can't go on simultaneously. I'd given undertaking that since Hari Shankar Jain is unwell & will recover by tomorrow, matter may be adjourned till tomorrow. Let SC decide & we'll proceed accordingly: Adv Vishnu Jain, Hindu side's lawyer in SC pic.twitter.com/UtCrPFU0Qi

— ANI (@ANI) May 19, 2022

ସେପଟେ ଭିଡିଓ ସର୍ଭେର ରିପୋର୍ଟ ବାରାଣସୀ କୋର୍ଟରେ ଦାଖଲ ହୋଇଛି । ରିପୋର୍ଟ ଦାଖଲ ବେଳେ କୋର୍ଟ ଦ୍ୱାରା ନିଯୁକ୍ତ ସ୍ୱତନ୍ତ୍ର ସହକାରୀ କମିଶନର ବିଶାଳ ସିଂ ଓ ଦୁଇ ପକ୍ଷର ପ୍ରତିନିଧି ଉପସ୍ଥିତ ଥିଲେ । ବିଶାଳ କହିଛନ୍ତି- ସର୍ଭେର ଭିଡିଓ କ୍ଲିପକୁ ସିଲଯୁକ୍ତ କଭରରେ ଦାଖଲ କରାଯାଇଛି । ଏହି ରିପୋର୍ଟକୁ ବାରାଣସୀ ସିଭିଲ ଜଜ୍ ସିନିୟର ଡିଭିଜନ ରବି କୁମାର ଦିବାକରଙ୍କ ନିକଟରେ ଦାଖଲ କରାଯାଇଛି । ଏହି ରିପୋର୍ଟ ୧୦ରୁ ୧୫ ପୃଷ୍ଠା ସମ୍ବଳିତ ହୋଇଥିବା ସୂଚନା ମିଳିଛି ।

ଅନ୍ୟପକ୍ଷରେ ଏହି ମାମଲାର ଶୁଣାଣି ସ୍ଥଗିତ କରିବା ଲାଗି ଦାବି କରିଛନ୍ତି ହିନ୍ଦୁ ପିଟିସନକାରୀଙ୍କ ପ୍ରତିନିଧି ଆଡଭୋକେଟ ବିଷ୍ଣୁ ଶଙ୍କର ଜୈନ । ଗତ ମଙ୍ଗଳବାର ତଥାକଥିତ ଶିବଲିଙ୍ଗ ଠାବ ହୋଇଥିବା ଅଞ୍ଚଳକୁ ସୁରକ୍ଷା ବଳୟରେ ରଖିବା ଲାଗି ବାରାଣସୀର ଜିଲ୍ଲା ମାଜିଷ୍ଟ୍ରେଟଙ୍କୁ ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ ।