ଭୁବନେଶ୍ୱର: ଆସିଲା ବିଚାରପତି ସୁବାସ ବିହାରୀଙ୍କ ପୋଷ୍ଟମର୍ଟମ ରିପୋର୍ଟ । ବେକରେ ଦଉଡ଼ି ଲଗାଇ ଝୁଲିବା ଫଳରେ ହୋଇଛି ମୃତ୍ୟୁ। ପୋଷ୍ଟମର୍ଟମ ରିପୋର୍ଟରେ ଏହାର ଖୁଲାସା ହୋଇଛି। SCB ମେଡ଼ିକାଲ କର୍ତ୍ତୃପକ୍ଷ କମିଶନରେଟ ପୋଲିସକୁ ରିପୋର୍ଟ ହସ୍ତାନ୍ତର କରିଛନ୍ତି।
ତେବେ ଏହି ରିପୋର୍ଟରେ ଶ୍ୱାସରୁଦ୍ଧ ହେବା ଯୋଗୁ ବିଚାରପତିଙ୍କ ମୃତ୍ୟୁ ଘଟିଥିବା ଉଲ୍ଲେଖ ରହିଛି ବୋଲି ଡିସିପି କହିଛନ୍ତି। ଏଥିସହ ପରିବାର ପକ୍ଷରୁ ଦିଆଯାଇଥିବା ଏତଲା ଆଧାରରେ ତଦନ୍ତ ଜାରି ରହିଥିବା ମଧ୍ୟ କହିଛନ୍ତି ଡିସିପି। ଗତ ୨ ତାରିଖ ଦିନ କଟକ ସିଡିଏ ସେକ୍ଟର ୯ ସ୍ଥିତ ସରକାରୀ ବାସ ଭବନରେ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରିଥିଲା ମର୍କତନଗର ଥାନା ପୋଲିସ। ତେବେ ଭିସେରା ରିପୋର୍ଟକୁ ଅପେକ୍ଷା କରିବା ସହ ପରିବାର ଲୋକଙ୍କ ଅଭିଯୋଗ ସହିତ ପ୍ରତ୍ୟେକ ଦିଗରୁ ଆଇନ ମୁତାବକ ତଦନ୍ତ ଉପରେ ଗୁରୁତ୍ୱାରୋପ କରିଛନ୍ତି ଆଇନଜୀବୀ।
