ସୁଲତାନ ଅଫ୍ ଜୋହର କପରେ ତିନି ଓଡ଼ିଆ
ଭୁବନେଶ୍ବର: ସୁଲତାନ ଅଫ୍ ଜୋହର କପ୍ ମାଲେସିଆ ୨୦୨୨ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ଏଥିରେ ତିନି ଓଡ଼ିଆ ଖେଳାଳିଙ୍କୁ ମିଳିଛି ସ୍ଥାନ । ଏହି ତିନି ଖେଳାଳି ହେଲେ ସୁଦୀପ ଚିରମାକୋ, ଅମନଦୀପ ଲାକ୍ରା ଏବଂ ସିରିଲ୍ ଲୁଗୁନ । ୧୮ ଜଣିଆ ଭାରତୀୟ ଜୁନିୟର ହକି ଟିମରେ ଏମାନଙ୍କୁ ସ୍ଥାନ ମିଳିଛି । ଜୋହର ବାହରୁରେ ଅକ୍ଟୋବର ୨୨ରୁ ଆରମ୍ଭ ହେବ ଟୁର୍ଣ୍ଣାମେଣ୍ଟ ।
୨୦୧୯ରେ ସିଲଭର ମେଡାଲରେ ଭାରତୀୟ ଟିମ୍ ଅଭିଯାନ ଶେଷ କରିଥିଲା । ଫାଇନାଲରେ ଗ୍ରେଟ ବ୍ରିଟେନଠାରୁ ଏକ ପ୍ରତିଦ୍ବନ୍ଦ୍ବିତା ପୂର୍ଣ୍ଣ ମ୍ୟାଚରେ ଭାରତୀୟ ଟିମକୁ ପରାଜିତ ହେବାକୁ ପଡ଼ିଥିଲା । ଚଳିତବର୍ଷ ଭାରତ ସମେତ ଅଷ୍ଟ୍ରେଲିଆ, ଜାପାନ, ଦକ୍ଷିଣ ଆଫ୍ରିକା, ଡିଫେଣ୍ଡି ଚାମ୍ପିୟନ ଗ୍ରେଟ ବ୍ରିଟେନ ଏବଂ ହୋଷ୍ଟ କଣ୍ଟ୍ରି ମାଲେସିଆ ଏଥିରେ ଅଂଶଗ୍ରହଣ କରୁଛନ୍ତି । କରୋନା କାରଣରୁ ଦୁଇବର୍ଷ ବ୍ୟବଧାନରେ ଟୁର୍ଣ୍ଣାମେଣ୍ଟ ହେବାକୁ ଯାଉଛି ।
