ପଦ୍ମପୁର: ବଦଳୁଛି ସରକାରୀ ସ୍କୁଲର ରୂପରେଖ । ରୂପାନ୍ତରିତ ହେଉଛି ହାଇସ୍କୁଲ । ତୃତୀୟ ପର୍ଯ୍ୟାୟରେ ପଦ୍ମପୁର ନିର୍ବାଚନ ମଣ୍ଡଳୀର ୩୮ ଉଚ୍ଚ ବିଦ୍ୟାଳୟ 5T ଉପକ୍ରମରେ ରୂପାନ୍ତରିତ ହୋଇଛି । ୩ଟି ବ୍ଲକରେ ୬ ଜଣ ମନ୍ତ୍ରୀ ରୂପାନ୍ତରିତ ବିଦ୍ୟାଳୟର ଉଦଘାଟନ କରିଛନ୍ତି ।
ପଦ୍ମପୁର ବ୍ଲକ ଅଞ୍ଚଳରେ ବିଭିନ୍ନ ବିଦ୍ୟାଳୟର ଉଦଘାଟନ କରିଛନ୍ତି ଶ୍ରମ ମନ୍ତ୍ରୀ ଶ୍ରୀକାନ୍ତ ସାହୁ ତାଙ୍କ ସହିତ ଉଚ୍ଚଶିକ୍ଷା ମନ୍ତ୍ରୀ ରୋହିତ ପୂଜାରୀ, ଅର୍ଥ ମନ୍ତ୍ରୀ ନିରଞ୍ଜନ ପୂଜାରୀ, ହସ୍ତଶିଳ୍ପ ମନ୍ତ୍ରୀ ରିତା ସାହୁ, ଜଳ ସମ୍ପଦ ମନ୍ତ୍ରୀ ଟୁକୁନି ସାହୁ, ଜଙ୍ଗଲ ଓ ପରିବେଶ ମନ୍ତ୍ରୀ ପ୍ରଦୀପ ଅମାତ ବିଭିନ୍ନ ରୂପାନ୍ତରିତ ବିଦ୍ୟାଳୟର ଲୋକାର୍ପଣ କରିଛନ୍ତି । ବରଗଡ଼ ବିଧାୟକ ଦେବେଶ ଆଚାର୍ଯ୍ୟ ଓ ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ ଉଦଘାଟନୀ କାର୍ଯ୍ୟକ୍ରମରେ ଯୋଗଦେଇଥିଲେ ।
ବିଦ୍ୟାଳୟ ରୂପାନ୍ତରିତ ହେବା ପରେ ଏବେ ସରକାରୀ ସ୍କୁଲରେ ମିଳୁଛି ବେସରକାରୀ ସ୍କୁଲ ସୁବିଧା । ଅତ୍ୟାଧୁନିକ ବିଜ୍ଞାନଗାର ସହିତ କମ୍ପ୍ୟୁଟର, ଇଣ୍ଟରନେଟ, ଡିଜିଟାଲ କ୍ଲାସରୁମ, ପାରିପାର୍ଶ୍ବିକ ଉନ୍ନତ ଭିତ୍ତିଭୂମିର ସୁବିଧା ପାଉଛନ୍ତି ଛାତ୍ରଛାତ୍ରୀ । ଏଥିପାଇଁ ରାଜ୍ୟ ସରକାରଙ୍କୁ ସମସ୍ତେ କୃତଜ୍ଞତା ଜଣାଇଛନ୍ତି ।
