ଘରେ ପଶି ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟ, ତଣ୍ଟି କାଟି ନିଆଁ ଲଗାଇ ଦେଲେ
![](https://www.nandighoshatv.com/wp-content/uploads/2022/12/ସୁନାଗହଣା-ଲୁଟିଲେ-ତଣ୍ଟି-କାଟିଦେଲେ-1024x576.jpg)
ସାଲେପୁର: ନେମାଳ ଥାନା ଲେଣ୍ଡର ଭଗବାନପୁରରେ ଅଭାବନୀୟ ଘଟଣା । ଘରେ ପଶି ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟି ନେଲେ ଦୁର୍ବୃତ୍ତ । ବିଳମ୍ବିତ ରାତିରେ ଲୁଟ୍ ସହ ସ୍ୱାମୀ ହୃଷିକେଶ ମୁଦୁଲି ଓ ସ୍ତ୍ରୀ କନକ ଲତାଙ୍କୁ ମରଣାନ୍ତକ ଆକ୍ରମଣ ହୋଇଛି । ଆକ୍ରମଣରେ ସ୍ତ୍ରୀ ଗୁରୁତର ହୋଇଥିବାବେଳେ ସ୍ବାମୀ ପ୍ରାଣ ହରାଇଛନ୍ତି ।
ହୃଷିକେଶଙ୍କ ଗଳା କାଟି ହତ୍ୟା କରିଥିବା ବେଳେ ସ୍ତ୍ରୀ କନକ ଲତାଙ୍କୁ ଗୁରୁତର କରି ଘରେ ନିଆଁ ଲଗାଇ ଦେଇଥିଲେ ଦୁର୍ବୃତ୍ତ ।ଏହାସହ ଦୁଇ ଛୁଆଙ୍କୁ ଅନ୍ୟ ଏକ ଘରେ ବନ୍ଦ କରି ଦେଇଥିଲେ । ଗୁରୁତର କନକଲତାଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ଖବରପାଇ ଘଟଣାସ୍ଥଳରେ ନେମାଳ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।