ନୂଆଦିଲ୍ଲୀ: ଜଜ୍ ନିଯୁକ୍ତି ପ୍ୟାନେଲରେ କେନ୍ଦ୍ରର ପ୍ରତିନିଧି ରଖିବାକୁ ଚିଠି। ହାଇକୋର୍ଟ, ସୁପ୍ରିମକୋର୍ଟରେ ଜଜ୍ ନିଯୁକ୍ତି ପ୍ରକ୍ରିୟାକୁ ନେଇ ଦୀର୍ଘଦିନ ଧରି କେନ୍ଦ୍ର ସରକାର ଓ ସୁପ୍ରିମକୋର୍ଟଙ୍କ ମଧ୍ୟରେ ତିକ୍ତତା ଲାଗି ରହିଛି। କଲେଜିୟମ ସିଷ୍ଟମକୁ ଅନେକ ଥର ଆଲୋଚନାର ପ୍ରସଙ୍ଗ କରିଛନ୍ତି କେନ୍ଦ୍ର ଆଇନ ମନ୍ତ୍ରୀ କିରେନ ରିଜଜୁ।
ଜଜ୍ ନିଯୁକ୍ତି ପ୍ରକ୍ରିୟାରେ ସ୍ବଚ୍ଛତା ପାଇଁ କଲେଜିୟମ ପ୍ୟାନେଲରେ କେନ୍ଦ୍ରର ପ୍ରତିନିଧି ରଖିବାକୁ ପ୍ରଧାନ ବିଚାରପତିଙ୍କୁ ଚିଠି ଲେଖିଛନ୍ତି କେନ୍ଦ୍ର ଆଇନ ମନ୍ତ୍ରୀ। ସୁପ୍ରିମକୋର୍ଟ ଜଜ୍ ନିଯୁକ୍ତି ପ୍ୟାନେଲରେ କେନ୍ଦ୍ର ସରକାରଙ୍କ ପ୍ରତିନିଧି ଓ ହାଇକୋର୍ଟ ଜଜ୍ ନିଯୁକ୍ତି ପ୍ୟାନେଲରେ ରାଜ୍ୟ ସରକାରଙ୍କ ପ୍ରତିନିଧିଙ୍କୁ ସାମିଲ କରିବାକୁ ଚିଠି ଲେଖାଯାଇଛି ।
