ଆନନ୍ଦପୁର: ଆନନ୍ଦପୁର ପୌରାଞ୍ଚଳର ଘସିପୁରା ଝାଡେଶ୍ବର ମନ୍ଦିର ନିକଟରେ ମହୁମାଛି ଆକ୍ରମଣରେ ୧୫ରୁ ଅଧିକ ଆହତ ଓ ୪ ଗୁରୁତର। ୪ଜଣଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଛି। ମନ୍ଦିର ନିକଟ ଏକ ଗଛରେ ମହୁମାଛି ବସା ବାନ୍ଧିଥିବା ବେଳେ ଆଜି ସକାଳୁ ଅଚାନକ ମହୁମାଛି ମାନେ ବିକ୍ଷିପ୍ତ ହୋଇ ଏଣେତେଣେ ଉଡିବା ସହ ରାସ୍ତାରେ ଯାଉଥିବା ଲୋକଙ୍କୁ ଆକ୍ରମଣ କରିଥିଲେ।
କିଛି ଲୋକ ସେମାନଙ୍କ କବଳରୁ ନିଜକୁ ବଞ୍ଚାଇ ସାମାନ୍ୟ ଆହତ ହୋଇ ଦୌଡି ପଳାଇଥିଲେ ହେଲେ ୪ ଜଣଙ୍କୁ ଗୁରୁତର ଅବସ୍ଥାରେ ଲୋକେ ଡାକ୍ତରଖାନାରେ ଭର୍ତ୍ତି କରିଛନ୍ତି।
