ଭୁବନେଶ୍ବର: ଅନ୍ତର୍ଜାତୀୟ ଓଡ଼ିଆ ଆଥଲେଟ୍ ତଥା ସ୍ପିଣ୍ଟର ଦୂତି ଚାନ୍ଦଙ୍କ ବାପା ହେବାକୁ ଇଚ୍ଛା । ଜାତୀୟ ମାଗାଜିନ୍ ଇଣ୍ଡିଆ ଟୁଡେକୁ ସାକ୍ଷାତକାର ଦେଇ ଏଭଳି କହିଛନ୍ତି ଦୂତି ।
ସମଲିଙ୍ଗୀ ବିବାହକୁ ନେଇ ଏକ ପ୍ରଶ୍ନର ଉତ୍ତର ରଖିଛନ୍ତି ଦୂତି । ଯଦି ବାନ୍ଧବୀଙ୍କୁ ବିବାହ କରନ୍ତି କିଏ ବାପା ହେବେ ବୋଲି ସାକ୍ଷାତକାରରେ ଦୂତିଙ୍କୁ ପ୍ରଶ୍ନ କରାଯାଇଥିଲା । ବାପା ଭୂମିକା ତୁଲାଇବା ସହ ସମସ୍ତ ଦାୟିତ୍ବ ନେବାକୁ ସ୍ବୀକାର କରିଥିଲେ ଦୂତି । ହେଲେ ବାନ୍ଧବୀଙ୍କୁ କେବେ ବିବାହ କରୁଛନ୍ତି ସେ ନେଇ କିଛି କହିନାହାନ୍ତି ।
କିଛି ଦିନ ପୂର୍ବରୁ ସମଲିଙ୍ଗୀ ସମ୍ପର୍କକୁ ନେଇ ଚର୍ଚ୍ଚାରେ ଥିଲେ ଦୂତି । ସେପଟେ ସମଲିଙ୍ଗୀ ବିବାହ ଅଧିକାର ନେଇ ଆଗତ ମାମଲାର ଶୁଣାଣି କରି ସୁପ୍ରିମକୋର୍ଟ ରାୟ ସଂରକ୍ଷିତ ରଖିଛନ୍ତି।
ପୂର୍ବରୁ ତାଙ୍କ ଶରୀରରେ ମାତ୍ରାଧିକ ପୁରୁଷ ହରମୋନ ଥିବା ଅଭିଯୋଗରେ ୨୦୧୪ ଗ୍ଲାସ୍ଗୋ କମନ୍ୱେଲଥ୍ ଗେମସ୍ ସହ ଏସିଆନ୍ ଗେମସ୍ରୁ ସେ ବାଦ୍ ପଡିଥିଲେ। ଏହାପରେ ଦୂତି ୨୦୧୬ ରିଓ ଅଲିମ୍ପିକସ୍ରେ ଭାରତ ପାଇଁ ପ୍ରତିନିଧିତ୍ୱ କରିବା ସହ ୨୦୧୮ ଏସିଆନ୍ ଗେମସ୍ରେ ୧୦୦ ଓ ୨୦୦ ମିଟର ଦୌଡ଼ ଇଭେଣ୍ଟରେ ୨ଟି ରୌପ୍ୟ ପଦକ ଜିତି ଚର୍ଚ୍ଚାରେ ରହିଥିଲେ।
