ନୂଆଦିଲ୍ଲୀ: ଦେହରେ ନାଲି ସାର୍ଟ । ହାତରେ ବନ୍ଧାଯାଇଛି କୁଲି ବ୍ୟାଜ । ମୁଣ୍ଡରେ ବି ବ୍ୟାଗ । ରାହୁଲ ଗାନ୍ଧୀଙ୍କ ଦୃଶ୍ୟ ଯେକେହି ଦେଖିବ ଆଶ୍ଚର୍ଯ୍ୟ ହୋଇଯିବେ । ଗୁରୁବାର ଦିଲ୍ଲୀ ରେଳଷ୍ଟେସନରେ ଭିନ୍ନ ଅବଦାରରେ ଦେଖାଦେଇଥିଲେ କଂଗ୍ରେସ ନେତା ରାହୁଲ ଗାନ୍ଧୀ । କୁଲିମାନଙ୍କ ସହ ମିଶିବା ସହ ସେମାନଙ୍କ ଗହଣରେ ବେଶ୍ କିଛି ସମୟ ବିତାଇଥିଲେ ରାହୁଲ । ଗୁରୁବାର ପୂର୍ବାହ୍ନରେ ଦିଲ୍ଲୀ ଆନନ୍ଦ ବିହାର ରେଳଷ୍ଟେସନକୁ ଯାଇଥିଲେ ରାହୁଲ । ସେଠାରେ ସେ ପୋର୍ଟରମାନଙ୍କ ପୋଷାକ ପିନ୍ଧିବା ସହ ସେମାନଙ୍କ କୁଲି ବ୍ୟାଜ ମଧ୍ୟ ପିନ୍ଧିଥିଲେ । ତେବେ ଉଦ୍ଦେଶ୍ୟ ଥିଲା ସେମାନଙ୍କ ସମସ୍ୟା ବୁଝିବା । ଏନେଇ ସେ କେତେକ ପୋର୍ଟରଙ୍କ ସହ ଆଲୋଚନା କରିବା ସହ ସେମାନଙ୍କ ଗହଣରେ କିଛି ସମୟ କଟାଇଥିଲେ । ଏପରିକି ଏକ ବ୍ୟାଗ ମୁଣ୍ଡାଇବାର ଦୃଶ୍ୟ ବେଶ୍ ରୋଚକ ସ୍ଥିତି ସୃଷ୍ଟି କରିଥିଲା । ପୂର୍ବରୁ ସେ ମେକାନିକ, କ୍ରୀଡାବିତ, ଚାଷୀ ଆଦି ଭୂମିକାରେ ଅବତୀର୍ଣ୍ଣ ହୋଇ ଚର୍ଚ୍ଚାର ସାଜିଥିଲେ କାରଣ ।
କଂଗ୍ରେସ ଟୁଇଟ୍ କରି କହିଛି, “ଜନନାୟକ ରାହୁଲ ଗାନ୍ଧୀଜୀ ଆଜି ଦିଲ୍ଲୀର ଆନନ୍ଦ ବିହାର ରେଳ ଷ୍ଟେସନରେ କୁଲିସାଥୀମାନଙ୍କୁ ଭେଟିଥିଲେ। ଗତ କିଛି ଦିନ ତଳେ ଏକ ଭିଡିଓ ଭାଇରାଲ୍ ହୋଇଥିଲା। ଭିଡିଓରେ କୁଲି ସାଥୀମାନେ ରାହୁଲଙ୍କୁ ଭେଟିବାର ଆଗ୍ରହ ପ୍ରକାଶ କରିଥିଲେ। ଆଜି ରାହୁଲ ଗାନ୍ଧୀ ସେମାନଙ୍କ ନିକଟରେ ପହଞ୍ଚି ସେମାନଙ୍କ କଥା ଶୁଣିଛନ୍ତି। ‘ଭାରତ ଯୋଡ଼ୋ’ ଯାତ୍ରା ଜାରି ରହିଛି।
