ନୂଆଦିଲ୍ଲୀ: ଆରମ୍ଭ ହୋଇଯାଇଛି ବିଶ୍ୱକପ୍ ଫିଭର। ଅକ୍ଟୋବର ୧୦ ତାରିଖରେ ମୁହାଁମୁହିଁ ହେବେ ପାକିସ୍ତାନ ଓ ଶ୍ରୀଲଙ୍କା। ଏହି ମୁକାବିଲା ହାଇଦ୍ରାବାଦରେ ଖେଳାଯିବ। ପାକିସ୍ତାନ ଟିମ୍ ସମ୍ପର୍କରେ କଥା ହେଲେ ଏହି ମ୍ୟାଚରେ ଶ୍ରୀଲଙ୍କାକୁ ମାତ୍ ଦେଇ ଏସିଆ କପର ପ୍ରତିଶୋଧ ନେବ ପାକିସ୍ତାନ ଟିମ୍ ।
ଉଭୟ ପାକିସ୍ତାନ ଏବଂ ଶ୍ରୀଲଙ୍କା ଥରେ ଥରେ ବିଶ୍ୱକପ ଚାମ୍ପିୟନ ହୋଇସାରିଛନ୍ତି। ODI କଥା କହିଲେ ଉଭୟ ଦେଶ ଏପର୍ଯ୍ୟନ୍ତ ୧୫୬ ଥର ମୁହାଁମୁହିଁ ହୋଇଛନ୍ତି। ଏଥିରେ ପାକିସ୍ତାନ ୯୨ ଟି ମ୍ୟାଚ ଜିତିଥିବାବେଳେ ଶ୍ରୀଲଙ୍କା ୫୯ ଥର ବାଜିମାତ୍ କରିଛି। ଗୋଟିଏ ମ୍ୟାଚ୍ ଟାଇ ହୋଇଥିବା ବେଳେ ବାକି ୪ଟି ମ୍ୟାଚର କୌଣସି ନିଷ୍କର୍ସ ବାହାରିନଥିଲା।
ବିଶ୍ୱକପ ବିଷୟରେ କହିବାକୁ ଗଲେ ଶ୍ରୀଲଙ୍କା ବିପକ୍ଷରେ ପାକିସ୍ତାନର ରେକର୍ଡ ଆହୁରି ଅଧିକ ପ୍ରଭାବଶାଳୀ। ବିଶ୍ୱକପରେ ଦୁଇ ଦେଶ ୮ଟି ମ୍ୟାଚ୍ ଖେଳିଥିବା ବେଳେ ସ୍କୋର ରହିଛି ୭-୦। ତେବେ ୨୦୧୯ରେ ବ୍ରିଷ୍ଟଲରେ ଆୟୋଜିତ ବିଶ୍ୱକପରେ ବର୍ଷା ଯୋଗୁଁ ODI ମ୍ୟାଚ୍ ଧୋଇ ହୋଇଯାଇଥିଲା।
ସବୁଠୁ ମଜାର ବିଷୟ ହେଉଛି ବିଶ୍ୱକପରେ ଶ୍ରୀଲଙ୍କା ବିପକ୍ଷରେ ପାକିସ୍ତାନର ୭-୦ ରେକର୍ଡ ରହିଛି । ଆଉ ଏହି ସମାନ(୭-୦) ରେକର୍ଡ ଭାରତର ଚିର-ପ୍ରତିଦ୍ୱନ୍ଦ୍ୱୀ ପାକିସ୍ତାନ ବିପକ୍ଷରେ ରହିଛି। କହିବାକୁ ଗଲେ ବିଶ୍ୱକପରେ ଶ୍ରୀଲଙ୍କା ଦଳ ପାକିସ୍ତାନକୁ କେବେବି ପରାସ୍ତ କରିପାରିନଥିବା ବେଳେ ପାକିସ୍ତାନ ମଧ୍ୟ ଭାରତକୁ ହରାଇବାରେ ସକ୍ଷମ ହୋଇ ନାହିଁ ।
ପାକିସ୍ତାନ ଏବଂ ଶ୍ରୀଲଙ୍କା ମଧ୍ୟରେ ୧୯୭୫ ମସିହାରେ ଖେଳାଯାଇଥିବା ବିଶ୍ୱକପ୍ର ପ୍ରଥମ ମ୍ୟାଚ୍ ନଟିଂହାମରେ ଅନୁଷ୍ଠିତ ହୋଇଥିଲା । ଯାହାକୁ ପାକିସ୍ତାନୀ ଟିମ୍ ୧୯୨ ରନ୍ ବ୍ୟବଧାନରେ ବାଜିମାତ୍ କରିଥିଲା।
ବିଶ୍ୱକପ ୨୦୨୩ର ମ୍ୟାଚ୍ ବିଷୟରେ ଆଲୋଚନା କଲେ ପାକିସ୍ତାନର ଇମାମ ଉଲ୍ ହକ୍ ଚଳିତ ଥର ODIରେ ୩ ହଜାର ରନ୍ ପୂରଣ କରିବାର ସୁଯୋଗ ପାଇବେ । ଇଞ୍ଜମାମ ଉଲ ହକଙ୍କ ଭଣଜା ଇମାମ ଏପର୍ଯ୍ୟନ୍ତ ୨୯୯୧ ରନ୍ (ହାରାହାରି ୪୯.୮୫) ସ୍କୋର କରିଥିବାବେଳେ ୬୭ ଟି ODI ର ୬୬ ଇନିଂସରେ ୬ ଥର ଅପରାଜିତ ରହିଛନ୍ତି । ସେହିପରି ODI ରେ ଦ୍ରୁତତମ ୩ହଜାର ରନ୍ ସ୍କୋର ହାସଲ କରିବାରେ ହାସିମ ଆମଲା ରେକର୍ଡ ରଖିଛନ୍ତି । ସେ ଏହି ରନ୍ ମାତ୍ର ୫୭ ଇନିଂସରେ ହାସଲ କରିଛନ୍ତି ।
