ଭୁବନେଶ୍ବର: ଭୁବନେଶ୍ବର ଉପକଣ୍ଠ ଦାରୁଠେଙ୍ଗର ବଦଳିବ ରୂପରେଖ। ବିଭିନ୍ନ ଉନ୍ନତିମୂଳକ କାମ କରିବ ଭୁବନେଶ୍ବର ମହାନଗର ନିଗମ। ଆଜି ବିଏମ୍ସି କାର୍ଯ୍ୟାଳୟରେ ମେୟରଙ୍କ ଅଧ୍ୟକ୍ଷତାରେ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା। ବୈଠକରେ ସ୍ଥାନୀୟ ବିଧାୟକ ସୁରେଶ ରାଉତରାୟ ଓ ସ୍ଥାନୀୟ ସରପଞ୍ଚ ଯୋଗ ଦେଇଥିଲେ।
ନୂଆ ଡ୍ରେନ୍ ନିର୍ମାଣ, ସ୍ବରେଜ, ରାସ୍ତା ସହ ପଞ୍ଚାୟତର ଅନ୍ୟ ଉନ୍ନୟନମୂଳକ କାମ କରାଯିବ। ଏନେଇ ପ୍ରକଳ୍ପ ପ୍ରସ୍ତୁତ ସରିଥିବାବେଳେ ଖୁବ୍ଶୀଘ୍ର ବ୍ୟୟ ଅଟକଳ କରାଯିବ। ପୂର୍ବରୁ ଦାରୁଠେଙ୍ଗ ଅଞ୍ଚଳରେ ବର୍ଜ୍ୟ ଗଦା ହେଉଥିବାରୁ ଅଞ୍ଚଳର ବିକାଶ ଦିଗରେ ପଦକ୍ଷେପ ନେବ ବୋଲି ବିଏମ୍ସି ସ୍ଥାନୀୟ ଅଧିବାସୀଙ୍କୁ ପ୍ରତିଶ୍ରୁତି ଦେଇଥିଲା। ସ୍ଥାନୀୟ ଜନ ପ୍ରତିନିଧି ଦେଇଥିବା ପ୍ରସ୍ତାବ ମୁତାବକ ପ୍ରକଳ୍ପ କାମ ହାତକୁ ନେବ ବିଏମସି। ଚଳିତ ବର୍ଷ ମେ ୧୭ରୁ ବିଏମ୍ସି ପକ୍ଷରୁ ଦାରୁଠେଙ୍ଗରେ ଅଳିଆ ପକାଇବା ବନ୍ଦ ରହିଛି।
