ପୁରୀ: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଭିତରେ ଥିବା ମଠ ଓ ମନ୍ଦିରର ଚାଲିଛି ସୌନ୍ଦର୍ଯ୍ୟକରଣ। ଆସନ୍ତା ଜାନୁଆରୀ ୧୭ରେ ପରିକ୍ରମା ପ୍ରକଳ୍ପର ପ୍ରତିଷ୍ଠା ଉତ୍ସବ ଅନୁଷ୍ଠିତ ହେବ। ଏହା ପୂର୍ବରୁ ପରିକ୍ରମା ପ୍ରକଳ୍ପ ଭିତରେ ଥିବା ପ୍ରାୟ ୨୦ରୁ ଅଧିକ ମଠକୁ ପୂର୍ଣ୍ଣାଙ୍ଗ ରୂପ ଦିଆଯିବ।
ଜଗନ୍ନାଥ ସଂସ୍କୃତି ତଥା ଉତ୍କଳୀୟ ପରମ୍ପରା ଆଧାରିତ ଡିଜାଇନ ଅନୁସାରେ ମଠର ନବୀକରଣ ଚାଲିଥିବା ବେଳେ, ପ୍ରାଥମିକ ସ୍ତରରେ ମଠର ଆଉଟର, ଗ୍ରାଉଟିଙ୍ଗ, ପ୍ଲାଷ୍ଟରିଂ ଭଳି ଅନ୍ୟାନ୍ୟ ଆନୁଷଙ୍ଗିକ କାର୍ଯ୍ୟ ଜାରି ରହିଛି। ଏଥିସହ ପରିକ୍ରମା ପ୍ରକଳ୍ପର ସମସ୍ତ କାର୍ଯ୍ୟ ପ୍ରାୟତଃ ଶେଷ ହୋଇଛି।
କିଛି ଛୋଟ ଛୋଟ କାର୍ଯ୍ୟ ଡିସେମ୍ବର ୧୫ ମଧ୍ୟରେ ଶେଷ କରାଯିବ। ସେନେଇ ଦ୍ରୁତଗତିରେ କାର୍ଯ୍ୟ ଚାଲିଛି । ଏହା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବପ୍ନର ପ୍ରକଳ୍ପ ହୋଇଥିବା ବେଳେ ଏହା ଉପରେ ବିଶେଷ ଧ୍ୟାନ ଦେଇ ଧାର୍ଯ୍ୟ ସମୟ ମଧ୍ୟରେ କାମ ସାରିବାକୁ ଲକ୍ଷ୍ୟ ରହିଛି।
