ଦେବଗଡ଼: ୩୦ ବର୍ଷ ପରେ ସ୍ୱାମୀଙ୍କୁ ପାଇଲେ ସ୍ତ୍ରୀ। ଦେବଗଡ଼ ଥାନା ସୁବନପାଲି ମାକରମୁଣ୍ଡା ସାହିର କପିଳ ସାହୁ ୧୯୯୨ ମସିହାରୁ ରୋଜଗାର ପାଇଁ ବାହାରକୁ ଚାଲିଯାଇଥିଲେ ହେଲେ ଅର୍ଥ ରୋଜଗାରରେ ସମର୍ଥ ନହେବାରୁ ନିଜ ଘର ପରିବାରକୁ ନ ଫେରି ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ ଘୁରିବୁଲୁଥିଲେ।
ଦୀର୍ଘ ୩୦ ବର୍ଷରୁ ଉର୍ଦ୍ଧ୍ୱ ନିଜ ସ୍ତ୍ରୀ, ପିଲା ଛୁଆ ତଥା ସମ୍ପର୍କୀୟଙ୍କ ଠାରୁ ଦୁରେଇ ରହିବା ପରେ ଶେଷରେ ଗତକାଲି ନିଜ ଗାଁକୁ ଫେରି ଆସିଛନ୍ତି। ଯୁବ ଅବସ୍ଥାରେ ଟଙ୍କା ରୋଜଗାର ନିଶାରେ ହଜି ଯାଇଥିବା ବ୍ୟକ୍ତି ଆଜି ଘରକୁ ଫେରିଛନ୍ତି। ସ୍ୱାମୀଙ୍କ ଫେରିବା ବାଟକୁ ଚାହିଁ ବସିଥିବା ସ୍ତ୍ରୀଙ୍କ ଆଖିରୁ ଝରି ଯାଉଛି ଲୁହ।
ସେହିପରି ତାଙ୍କର ପିଲା ଛୋଟ ଥିବା ବେଳେ ଏବେ ବିବାହିତ। ନିଜ ବାପକୁ ପାଇ ଅତୀତକୁ ମନେ ପକାଉଛନ୍ତି ପିଲାମାନେ। ବିଚ୍ଛେଦ ଓ ମିଳନର ଏଭଳି ଦୃଶ୍ୟ ଦେଖି ଭାବ ବିହ୍ଵଳ ହୋଇ ପଡିଛନ୍ତି ଗ୍ରାମବାସୀ।
