ସୁବର୍ଣ୍ଣପୁର: ସୁବିଧାରେ ହେବ ଗମନାଗମନ। ସୁବର୍ଣ୍ଣପୁର ବୀରମହାରାଜପୁର ହରିହର ଯୋର ଉପରେ ନୂତନ ସେତୁ ନିର୍ମାଣ ପାଇଁ ହୋଇଛି ଶୀଳାନ୍ୟାସ । ୫ଟି ପଂଚାୟତକୁ ସଂଯୋଗ କରିବା ପାଇଁ ହେବ ପୋଲ। ଦୀର୍ଘ ଦିନ ଧରି ଲୋକେ ଯିବା ଆସିବା କରିବାରେ ଅସୁବିଧାର ସମ୍ମୁଖୀନ ହେଉଥିଲେ ।
କେଉଁଠି ରାସ୍ତା ତ କେଉଁଠି ପୋଲ ନର୍ମାଣ କରି ଗମନାଗମନକୁ କରାଯାଇଛି ସୁଦୃଢ। ଆହୁରି ସହଜ ହୋଇଛି ଯାତାୟତ। ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସହ ୫ଟି ପଂଚାୟତକୁ ସଂଯୋଗ କରିବା ପାଇଁ ହରୀହର ଯୋର ଉପରେ ଗୋଟିଏ ନୂତନ ସେତୁ ନିର୍ମାଣର ଶୀଳାନ୍ୟାସ କରି ସ୍ଥାନିୟ ଲୋକଙ୍କ ଦୁଖ ଦୂର କରିବାକୁ ପ୍ରୟାସ କରିଛନ୍ତି ରାଜ୍ୟ ସରକାର। ନଦୀ ଦେଇ ଯିବା ଆସିବା କରିବାକୁ ନାହିଁ ନଥିବା ଅସୁବିଧାର ସମ୍ମୁଖିନ ହେଉଥିଲେ ଲୋକେ। ରାଜ୍ୟ ସରକାରଙ୍କ ନିଜସ୍ୱ ପାଣ୍ଠିରୁ ଏଠାରେ ଏକ ସୁଉଚ୍ଚ ସେତୁ ନର୍ମାଣ ପାଇଁ ଶୀଳାନ୍ୟାସ ହୋଇଛି ।
ପୋଲ ନିର୍ମାଣ ହେଲେ ହଜାର ହଜାର ଲୋକେ ଉପକୃତ ହେବେ । ଏହି ପୋଲ ନିର୍ମାଣ ପାଇଁ ପ୍ରାୟ ୮କୋଟି ୮୦ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଛି । ଆଠଟି ସ୍ପାନ ଓ ୧୯ମିଟର ଲମ୍ବର ଏହି ପୋଲ ନିର୍ମାଣ ହେବ । ଏହି ପୋଲ ନିର୍ମାଣ ପାଇଁ ସ୍ଥାନିୟ ଲୋକେ ବାରମ୍ଭାର ଦାବୀ କରିଆସୁଥିବା ବେଳେ ଖୁବ ଶୀଘ୍ର ରାଜ୍ୟ ସରକାର ଏହାର ନର୍ମାଣ ପାଇଁ ଅର୍ଥ ଆନୁମୋଦନ କରିଛନ୍ତି । ଶୀଘ୍ର ସ୍ଥାନୀୟ ଲୋକଙ୍କ ସମସ୍ୟାର ସମାଧାନ ହେବ ବୋଲି କହିଛନ୍ତି ସ୍ଥାନୀୟ ବିଧାୟକ ଓ କାର୍ଯ୍ୟନିର୍ବାହି ଅଧିକାରୀ । ରାଜ୍ୟ ସରକାର ଗମନା ଗମନର ସୁବିଧା ପାଇଁ ସାରା ରାଜ୍ୟରେ ଅନେକ ନୂତନ ରାସ୍ତା ଓ ସେତୁ ନର୍ମାଣ କରି ସ୍ଥାନିୟ ଲୋକଙ୍କ ଆସ୍ଥାଭାଜନ ହୋଇପାରିଛନ୍ତି।
