ଭୁବନେଶ୍ୱର: ନବୀନ ନିବାସରେ 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କୁ ଭେଟିଛନ୍ତି ୨୭ଟି ସଂଗଠନର କର୍ମକର୍ତ୍ତା ଓ ରାଜନେତା। 5T ଅଧ୍ୟକ୍ଷ ଓଡ଼ିଶାର ବିକାଶ ପାଇଁ ଦିନରାତି କାମ କରୁଥିବାରୁ ତାଙ୍କୁ ଧନ୍ୟବାଦ ଜଣାଇଛନ୍ତି। ନିଜ ପ୍ରଶାସନିକ କ୍ୟାରୟରକୁ ଛାଡ଼ି ସାରା ରାଜ୍ୟରେ ବିକାଶ କାମକୁ ଆଗେଇ ନେଇଛନ୍ତି।
5T ସଚିବ ଥିବା ସମୟରେ ଯେମିତି ଲୋକଙ୍କ ପାଖକୁ ଯାଇ ସେମାନଙ୍କ ସମସ୍ୟା ବୁଝି ସମାଧାନ କରିଥିଲେ । ଏବେ ଅବସର ପରେ ବି ଠିକ୍ ସେହିପରି ଜନସେବା ଜାରି ରହିଛନ୍ତି କାର୍ତ୍ତିକ ପାଣ୍ଡିଆନ। ତାଙ୍କୁ ଭେଟି ବିଭିନ୍ନ ସଂଗଠନ କର୍ମକର୍ତ୍ତା ସେମାନଙ୍କ ଦାବି ଜଣାଇଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ବିକାଶ କାମକୁ ତ୍ୱରାନ୍ୱିତ କରିଥିବାରୁ କାର୍ତ୍ତିକ ପାଣ୍ଡିଆନଙ୍କ ପାଇଁ ପ୍ରତିଦିନ ଶୁଭେଚ୍ଛାର ସୁଅ ଛୁଟୁଛି।
