ତାଳଚେର: ଭିଜିଲାନ୍ସ ଜାଲରେ ଓଡିଶା ମୋଟର ଭେହିକିଲ ଡିପାର୍ଟମେଣ୍ଟ ଇନ୍ସପେକ୍ଟର। ତାଳଚେର ଟ୍ରାଫିକ ଇନ୍ସପେକ୍ଟର ଜିତେନ୍ଦ୍ର ବେହେରାଙ୍କୁ ଧରିଲା ଭିଜିଲାନ୍ସ। ଜିତେନ୍ଦ୍ରଙ୍କଠାରୁ ଭିଜିଲାନ୍ସ ନଗଦ ୨୪ ଲକ୍ଷ ଟଙ୍କା ଜବତ କରିଛି। ତାଳଚେରରୁ ଅସ୍ତରଙ୍ଗ ଯାଉଥିବା ବେଳେ ଗାଡିରୁ ମିଳିଲା ୧୧ ଲକ୍ଷ ୧୫ ହଜାର ୪୭୦ ଟଙ୍କା। ପରେ ବାଲିଅନ୍ତାର ତ୍ରିନାଥ ବଜାରଠାରୁ ଲକ୍ଷାଧିକ ଟଙ୍କା ଠାବ କରିଛି ଭିଜିଲାନ୍ସ।
ସେହିପରି ଅସ୍ତରଙ୍ଗ ଓ ତାଳଚେର ଭଡାଘରୁ ୩ ଲକ୍ଷ ୮ ହଜାର ୭୫୦ ଟଙ୍କା ଠାବ କରାଯାଇଛି। ଭିଜିଲାନ୍ସ ସ୍କାନରରେ ଜିତେନ୍ଦ୍ରଙ୍କ ପୁଅ ଓ ଭାଇ ରହିଛନ୍ତି। ସେମାନଙ୍କୁ ଅଟକ ରଖି ପଚରାଉଚରା କରାଯାଉଛି। ଲାଞ୍ଚ ଟଙ୍କା କାରବାର ନେଇ ଭିଜିଲାନ୍ସ ବିଶ୍ବସ୍ତ ସୂତ୍ରରୁ ଖବର ପାଇ ରେଡ୍ କରିଥିଲା।
