ଭୁବନେଶ୍ୱର: ଆସନ୍ତାକାଲି ସାରା ଦେଶ ପାଳିବ ୭୫ ତମ ସାଧାରଣତନ୍ତ୍ର ଦିବସ। ଏହାର ଅବ୍ୟବହିତ ପୂର୍ବରୁ ତ୍ରିରଙ୍ଗା ଆଲୋକରେ ଝଲସୁଛି ରାଜଧାନୀ। ସୁସଜ୍ଜିତ ହୋଇଛି ସବୁ ସରକାରୀ ଓ ବେସରକାରୀ ଅନୁଷ୍ଠାନ।
ଏଜି ଅଫିସ, ଜୟଦେବ ଭବନ, ଲୋକସେବା ଭବନ, ଓଡିଶା ବିଧାନସଭା, କମିଶନରେଟ ପୋଲିସ, ରବୀନ୍ଦ୍ର ମଣ୍ଡପ, ଓଡିଶା ଖଣି ନିଗମ ଭବନ, କୃଷି ଭବନ, ସୂଚନା ଓ ଲୋକ ସମ୍ପର୍କ ଭବନ, ଖାରବେଳ ଭବନ, ନିର୍ମାଣ ସୌଧ, ଭୁବନେଶ୍ବର ଉନ୍ନୟନ କର୍ତ୍ତୃପକ୍ଷ, ବିଏମସି ଅଫିସ, ଗୀତ ଗୋବିନ୍ଦ ସଦନ, ବୟନିକା ଭବନ, ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ମୁଖ୍ୟ କାର୍ଯ୍ୟାଳୟ, ରିଜର୍ଭ ବ୍ୟାଙ୍କ ଅଫ ଇଣ୍ଡିଆ ଆଦି ତ୍ରିରଙ୍ଗା ଆଲୋକରେ ସଜେଇ ହୋଇଛି। ଏହାସହ ଏଜି ଛକରୁ ୪ ନମ୍ବର ଟ୍ରାଫିକ ଛକ ଓ ରବୀନ୍ଦ୍ର ମଣ୍ଡପ ଛକରୁ କମିଶନରେଟ ପୋଲିସ ଅଫିସ ପର୍ଯ୍ୟନ୍ତ ରାସ୍ତା ପାର୍ଶ୍ବକୁ ମଧ୍ୟ ସୁନ୍ଦର ଆଲୋକମାଳାରେ ସଜ୍ଜିତ କରାଯାଇଛି।
