ସୁନ୍ଦରଗଡ଼ : ସୁନ୍ଦରଗଡ଼ ୧୦ ନମ୍ବର ରାଜ୍ୟ ରାଜପଥ ବିଜୁ ଏକ୍ସପ୍ରେସ ୱେରେ ଗୁଳିକାଣ୍ଡ। ବଡ଼ଗାଁ-କୁତ୍ରା ମଝି ରାସ୍ତାରେ ଗୁଳିମାଡ ହୋଇଛି। ଗୁଳି ମାଡରେ ଦୁଇ ଆହତ ହୋଇଛନ୍ତି। ଆହତ ଦୁଇ ଛତିଶଗଡ଼ ରାୟଗଡ଼ ଜିଲ୍ଲା ଶକ୍ତି ଅଞ୍ଚଳର ବିକ୍ରମ ଟଣ୍ଡନ ଓ ସୁନିଲ ରତ୍ନାକର। ୪ ରୁ ୫ ମୁଖା ପିନ୍ଧା ଯୁବକ ଆସି ଅତର୍କିତ କରିଥିଲେ ଗୁଳି ଚାଳନା। ପିକଅପ୍ ଗାଡ଼ିରେ ଯାଉଥିବା ବେଳେ ଗୁଳିମାଡ ହୋଇଥିଲା। ଜଣଙ୍କ ଛାତିରେ ବାଜିଛି ଗୁଳି ଅନ୍ୟ ଜଣଙ୍କ ବେକରେ ବାଜିଛି ଗୁଳି। ଖବର ପାଇ ଆହତଙ୍କ ଘରଲୋକ ଘଟଣାସ୍ଥଳକୁ ଯାଇ ତାଙ୍କୁ ଉଦ୍ଧାର କରି ମେଡ଼ିକାଲକୁ ଆଣିଛନ୍ତି। ପୋଲିସ ମେଡ଼ିକାଲକୁ ପହଞ୍ଚି ଆରମ୍ଭ କରିଛି ତଦନ୍ତ।
