ଭୁବନେଶ୍ୱର: ବିଜେଡିରେ ସାମିଲ ହେଲେ କୁଚିଣ୍ଡାର ଭବାନୀ ଶଙ୍କର କାଲୋ । ସେ ଅଖିଳ ଭାରତୀୟ ଗଣ୍ଡ ମହାସଭାର ଉପଦେଷ୍ଟା । ୮.୯୩ ଲକ୍ଷ ଗଣ୍ଡଙ୍କ ଉପଦେଷ୍ଟା । ଗଣ୍ଡ ସମାଜକୁ ଆଗେଇବା ପାଇଁ ସେ ବହୁ ଆଗରୁ କାମ କରି ଆସିଛନ୍ତି । ତାଙ୍କ ଅବଦାନ ଓଡ଼ିଶା ଓ ଗଣ୍ଡ ସମାଜ ପାଇଁ ଗର୍ବର ବିଷୟ ।
ମୁଖ୍ୟମନ୍ତ୍ରୀ, ସଂଗଠନ ସମ୍ପାଦକଙ୍କ ପକ୍ଷରୁ ସ୍ୱାଗତ କଲେ ସାଂସଦ ସସ୍ମିତ ପାତ୍ର। ଭବାନୀ ଶଙ୍କର କହିଲେ, ଆମ ଅନୁଷ୍ଠାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ। ଭୁବନେଶ୍ୱରରେ ଆମ ସମାଜ ପାଇଁ ଜମି ଦେଇଛନ୍ତି। ଗଣ୍ଡ ବିକାଶ ପାଇଁ ସେ କାମ କରୁଛନ୍ତି। ଗଣ୍ଡ ବହୁତ ସାହସୀ । 1992 ମସିହାରେ ବିଜୁ ପଟ୍ଟନାୟକ ଆମ ସଂଗଠନରେ ସାମିଲ ହୋଇ ଆଗେଇବାକୁ ପ୍ରତିଶୃତି ଦେଇଥିଲେ । ସଂଗଠନ ଆହୁରି ଆଗେଉଛି । ବିଜେଡିକୁ ସହଯୋଗ କରିବୁ ବୋଲି କହିଛନ୍ତି ଭବାନୀ ଶଙ୍କର କାଲୋ ।
