ଭୁବନେଶ୍ୱର: ଅଧରାତିରେ ଏମ୍ସ ପରିଦର୍ଶନ। ରାତି ପ୍ରାୟ ୩ଟା ୧୫ରେ ଭୁବନେଶ୍ବର ଏମ୍ସ ହସ୍ପିଟାଲ ପରିଦର୍ଶନ କରି ଅନୁଧ୍ଯାନ କରିଛନ୍ତି ବିଜେଡିର ଭୁବନେଶ୍ବର ଲୋକସଭା ପ୍ରାର୍ଥୀ ମନ୍ମଥ ରାଉତରାୟ। ନିଜେ ଗାଡ଼ି ଚଳାଇ ଡାକ୍ତରଖାନାକୁ ଯିବା ସହ ରୋଗୀ ଓ ସମ୍ପର୍କୀୟଙ୍କ ସମସ୍ଯା ସମ୍ପର୍କରେ ସେ ଅନୁଧ୍ଯାନ କରିଥିଲେ।
ରାଜ୍ଯ ତଥା ରାଜ୍ଯ ବାହାରର ରୋଗୀ ଏମ୍ସକୁ ଚିକିତ୍ସା ପାଇଁ ଆସୁଥିବାବେଳେ ରାତିରେ ବାହାରେ ଶୋଉଥିବା ଦେଖି ସେମାନଙ୍କ ସହ କଥା ହୋଇଥିଲେ ମନ୍ମଥ। ଏହି ସମୟରେ କିଛି ଲୋକ ମନ୍ମଥଙ୍କ ଆଗରେ କାନ୍ଦିକାନ୍ଦି ସମସ୍ୟା କହିଥିଲେ। କିଏ ସମ୍ପର୍କୀୟଙ୍କ ଚିକିତ୍ସା ପାଇଁ ଆଉ କିଏ ଟିକେଟ ପାଇଁ ରାତିରେ ଲାଇନ ଲଗାଇ ସମସ୍ୟା ଭୋଗୁଥିବା କହିଥିଲେ। ଏମ୍ସ ବାହାରେ ଲୋକ ଅସୁବିଧା ଭୋଗୁଥିବା ଦେଖି ଦୁଃଖ ପ୍ରକାଶ ସହ ଏହାର ସମାଧାନ ପାଇଁ ପଦକ୍ଷେପ ନେବାକୁ ପ୍ରତିଶୃତି ଦେଇଥିଲେ ମନ୍ମଥ।
