ନିମାପଡ଼ା: ନିଆଁ ଲାଗି ତିନି ବଖରା ଘର ସହ ଦୁଇଟି ଗାଇ ଜୀବନ୍ତ ଦଗ୍ଧ। ଏଭଳି ଅଭାବନୀୟ ଘଟଣା ଘଟିଛି ପୁରୀ ଜିଲ୍ଲା ଗୋପ ବ୍ଲକ ଅନ୍ତର୍ଗତ ବାବୁଲି ମଲ୍ଲୀକଙ୍କ ଘରେ। ବାବୁଲି ପ୍ରତ୍ୟେକ ଦିନ ଗୁହାଳରେ ଧୂଆଁ ଦେଇ ଘରେ ଶୋଇଥିବା ସମୟରେ ବିଳମ୍ବିତ ରାତିରେ ଗୁହାଳ ସମେତ ଘରେ ନିଆଁ ଲାଗିଯାଇଥିଲା। ନିଆଁର ପ୍ରଭାବ ଏତେ ଥିଲା ଯେ ଘରର ଆସବାପତ୍ର ଜଳିବା ସହ ଘର ଭିତରେ ଥିବା ଗ୍ୟାସ ସିଲିଣ୍ଡର ଫାଟି ବିସ୍ପୋରଣ ହୋଇଥିଲା। ସେଇ ବିସ୍ପୋରଣରେ ଦୁଇଟି ଗାଇ ନିଆଁରେ ପୋଡି ଦଗ୍ଧ ହୋଇଥିବାବେଳେ ଲକ୍ଷାଧିକ ଟଙ୍କାର ଧନ ସମ୍ପତି ନଷ୍ଟ ହୋଇଯାଇଛି l ନିଆଁ ଲାଗିବା ଦ୍ୱାରା ବାବୁଲି ମଲିକଙ୍କ ପରିବାର ବାସହରା ହୋଇଯାଇଥିବା ବେଳେ ଝିଅ ବାହାଘର ପାଇଁ ରଖିଥିବା ସୁନା,ରୂପା ଏବଂ ଟଙ୍କା ପଡ଼ିଯାଇଥିବା ସୂଚନା ମିଳିଛି।
