ଉମରକୋଟ: ନବରଙ୍ଗପୁର ଜିଲ୍ଲା ବିଜେପିକୁ ବଡ଼ ଝଟକା। ଇସ୍ତଫା ଦେଲେ ରାଜ୍ଯ ବିଜେପିର ସଂଖ୍ଯାଲଘୁ ସେଲ ଉପସଭାପତି କାଜାମ ମଦାନି। ସେ ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡଙ୍କ ପ୍ରତିନିଧି ଭାବେ ମଧ୍ଯ ଦାୟିତ୍ବ ତୁଲାଉଥିଲେ । ତାଙ୍କ ସହ ସଂଖ୍ୟାଲଘୁ ମୋର୍ଚ୍ଚାର ନବରଙ୍ଗପୁର ଜିଲ୍ଲା ସଭାପତି ପବିତ୍ର ଗରଡ଼ା ଓ ଜିଲ୍ଲା କମିଟିର ସମସ୍ତ ପଦାଧିକାରୀ, କୁଇ ସମାଜର ନେତା, ତହରା ସରପଞ୍ଚ ସଦାନନ୍ଦ ମାଝୀ ମଧ୍ଯ ବିଜେପିରୁ ଇସ୍ତଫା ଦେଇଛନ୍ତି। ବିଜେପି ସାଂସଦ ପ୍ରାର୍ଥୀ ବଳଭଦ୍ର ମାଝୀଙ୍କ ପ୍ରାର୍ଥିତ୍ବକୁ ବିରୋଧ କରି ସମସ୍ତେ ଦଳରୁ ଇସ୍ତଫା ଦେଇଛନ୍ତି। ଲୋକଙ୍କ ସେବା କରୁନଥିବା ଏବଂ ଦଳୀୟ କର୍ମୀଙ୍କୁ ପଚାରୁନଥିବା ବଳଭଦ୍ର ମାଝୀଙ୍କୁ କାହିଁକି ପ୍ରାର୍ଥୀ କରାଗଲା ବୋଲି ପ୍ରଶ୍ନ କରିବା ସହ ପ୍ରତିବାଦରେ ସମସ୍ତେ ଦଳ ଛାଡିଛନ୍ତି।
