ଭୁବନେଶ୍ୱର: ରାଜ୍ଯରେ ପାଗରେ ଆସିଛି ପରିବର୍ତ୍ତନ। ଗତକାଲିର କାଳବୈଶାଖୀ ବର୍ଷା ଆଣିଛି ସମାନ୍ଯ ଆଶ୍ବସ୍ତି। ତେବେ ଆଜି ସାରା ରାଜ୍ଯରେ ଗ୍ରୀଷ୍ମ ପ୍ରବାହ ନେଇ ଆକଳନ କରାଯାଇଛି। ଆସନ୍ତାକାଲି ଯାଏଁ ରାଜ୍ଯରେ ପ୍ରବଳ ଖରା ହେବ। ତେବେ ପୂର୍ବାପେକ୍ଷା ତାପମାତ୍ରା ସମାନ୍ଯ କମ ରହିପାରେ। ଆଜି ପାଇଁ ୧୪ ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର। ଅପରାହ୍ନରେ ବିଭିନ୍ନ ଜିଲ୍ଲାରେ କାଳବୈଶାଖୀ ବର୍ଷା ହେବାର ସମ୍ଭାବନା ରହିଛି ।
ବିଶେଷକରି ଉପକୂଳ ଓ ଦକ୍ଷିଣ ଓଡ଼ିଶାରେ ତାପମାତ୍ରାରେ ହ୍ରାସ ଘଟିବ। କାଲିପରଠୁ ଖରା କମିବା ସହ ତାତିରୁ ଆଶ୍ବସ୍ତି ମିଳିବ। ଅନ୍ଯପଟେ ୬ ତାରିଖରୁ ସାରା ଓଡ଼ିଶାରେ ପାରଦ ହ୍ରାସ ପାଇବା ସହ କାଳବୈଶାଖୀ ପ୍ରଭାବ ବୃଦ୍ଧି ପାଇବ। ପବନରେ ପରିବର୍ତ୍ତନ ହେବାରୁ ଏହି ସ୍ଥିତି ହେବାକୁ ଯାଉଛି।
