ଭୋଟରଙ୍କ ପ୍ରଶ୍ନର ଉତ୍ତର ଦେଇ ନପାରି ଓଲଟା ଭୋଟରଙ୍କ ଉପରେ ବର୍ଷିଲେ କୁସୁମ ଟେଟେ
![](https://www.nandighoshatv.com/wp-content/uploads/2024/05/SUNDARGARH_KUSUM-ON-VOTER-1024x576.jpg)
ସୁନ୍ଦରଗଡ଼: ପ୍ରଚାର ବେଳେ ଭୋଟରଙ୍କ ପ୍ରଶ୍ନରେ ବିଜେପି ବିଧାୟିକା ଘାଇଲା। ଉତ୍ତର ଦେଇନପାରି ଭୋଟରଙ୍କ ଉପରେ ବର୍ଷିଲେ ବିଜେପି ବିଧାୟିକା କୁସୁମ ଟେଟେ। ଏହି ଭିଡିଓଟି ଏବେ ଭାଇରାଲ ହେଉଛି। ସୁନ୍ଦରଗଡ଼ ଟାଙ୍ଗରପାଲି ବ୍ଲକ ସାନ ପତ୍ରାପାଲିରେ ପ୍ରଚାର କରୁଥିଲେ ବିଜେପି ବିଧାୟିକା ତଥା ଦଳର ପ୍ରାର୍ଥୀ କୁସୁମ ଟେଟେ।
ସୂଚନା ଅନୁଯାୟୀ, ଭୋଟରଙ୍କ ପ୍ରଶ୍ନର ଉତ୍ତର ଦେଇ ନପାରି ଓଲଟା ଭୋଟରଙ୍କ ଉପରେ ବର୍ଷିଥିଲେ। ଯାହାର ଭିଡିଓ ଭାଇରାଲ ହେବାରେ ଲାଗିଛି । ୫ ବର୍ଷରେ କ’ଣ କରିଛ ବୋଲି ଜଣେ ଯୁବ ଭୋଟର ତାଙ୍କୁ ପ୍ରଶ୍ନ କରିଥିଲେ। ବିଜେପି ବିଧାୟିକା କୁସୁମ ଟେଟେ କହିଥିଲେ ମୁଁ କୀର୍ତ୍ତନ ମଣ୍ଡପ ଓ କଲ୍ୟାଣ ମଣ୍ଡପ ରୋଡ୍ କରିଛି । ଯୁବକ ଜଣଙ୍କ ତାଙ୍କ କଥାକୁ କାଟି ଯୁକ୍ତି କରିଥିଲେ । ଯେଉଁଥିରେ ବିଧାୟିକା କୁସୁମ ଟେଟେ ତାଙ୍କ ଉପରେ ରାଗି ଯାଇଥିବା ଦେଖିବାକୁ ମିଳିଥିଲା। ଯାହାର ଭିଡିଓ ଭାଇରାଲ୍ ହେବାରେ ଲାଗିଛି ।