କେନ୍ଦ୍ରାପଡ଼ା: କେନ୍ଦ୍ରାପଡ଼ାର ବିକାଶ ଲାଗି ଦିନରାତି ପରିଶ୍ରମ କରୁଛନ୍ତି ମୁଖ୍ୟମନ୍ତ୍ରୀ। ଆଗକୁ କେନ୍ଦ୍ରାପଡ଼ାରେ ୧ ଲକ୍ଷ କୋଟି ଟଙ୍କାର ପୁଂଜିନିବେଶ ଆସିବ। ବିଶ୍ଵର ସର୍ବବୃହତ ଷ୍ଟିଲ ପ୍ଲାଣ୍ଟ କେନ୍ଦ୍ରାପଡ଼ାରେ ହେବ। ଏଥିଲାଗି ସବୁ ପ୍ରକାର ଉଦ୍ୟମ କରୁଛନ୍ତି ମୁଖ୍ୟମନ୍ତ୍ରୀ। ଏହାର ଜ୍ଵଳନ୍ତ ଉଦାହରଣ ହେଉଛି ଜାପାନ ଗସ୍ତ ସମୟରେ ମୁଖ୍ୟମନ୍ତ୍ରୀ ସିଙ୍ଗାପୁରରୁ ଜାପାନର ଟୋକିଓକୁ ବିମାନରେ ସାଧାରଣ ଟିକେଟରେ ୮ ଘଣ୍ଟା ବସିକି ଯାତ୍ରା କରିବା।
ମୁଖ୍ୟମନ୍ତ୍ରୀ ଟୋକିଏ ଯିବାକୁ ବିଜନେସ୍ କିମ୍ବା ଫାଷ୍ଟକ୍ଲାସ୍ ଟିକେଟ ମିଳିନଥିଲା। ଗସ୍ତ ରଦ୍ଦ କରିବାକୁ ପ୍ରଶାସନିକ ଅଧିକାରୀ କହିଥିଲେ। ହେଲେ ମୁଖ୍ୟମନ୍ତ୍ରୀ ନବୀନ କାର୍ଯ୍ୟକ୍ରମକୁ ବାତିଲ ନକରି ଯେମିତି ହେଲେ ଯିବାକୁ କହିଥିଲେ। ଶେଷରେ ଦୀର୍ଘ ୮ ଘଣ୍ଟା ଧରି ବିମାନରେ ସାଧାରଣ ଟିକେଟରେ ବସିକି ଯାଇଥିଲେ ମୁଖ୍ୟମନ୍ତ୍ରୀ।
ଜାପାନ ଟୋକିଓରେ ଦୁନିଆର ବଡ଼ ଷ୍ଟିଲ ନିର୍ମାତା ନିପନ ଷ୍ଟିଲ ଅଧ୍ୟକ୍ଷଙ୍କୁ ଭେଟିଥିଲେ। ଏହା ମୁଖ୍ୟମନ୍ତ୍ରୀଙ୍କ କେନ୍ଦ୍ରାପଡ଼ା ସହ ଓଡ଼ିଶାପ୍ରତି ଅବଦାନ ବୋଲି କହିଛନ୍ତି ବରିଷ୍ଠ ବିଜେଡି ନେତା କାର୍ତ୍ତିକ ପାଣ୍ଡିଆନ।
