ନୂଆଦିଲ୍ଲୀ : ପୃଥିବୀ ଆଡ଼କୁ ମାଡ଼ିଆସୁଛି ପର୍ବାତାକାର ଗ୍ରହଣୁ । ଆଜି ପୃଥିବୀର ଅତି ନିକଟତର ହୋଇ ଅତିକ୍ରମ କରିବ ବିଶାଳ ପ୍ଲାନେଟ୍ କିଲର୍ ଗ୍ରହାଣୁ । ଏହା ଆମ ଗ୍ରହକୁ ପାଖାପାଖି ଘଣ୍ଟାପ୍ରତି ୯୩,୦୦୦ କିଲୋମିଟର ବେଗରେ ଅତିକ୍ରମ କରିବ। ଏହି ସମ୍ଭାବ୍ୟ ବିପଜ୍ଜନକ ବସ୍ତୁ, ଆକାରରେ ଏକ ପର୍ବତ ପରି। ଏକ ଶତାବ୍ଦୀରୁ ଅଧିକ ସମୟ ମଧ୍ୟରେ ପୃଥିବୀର ଏତେ ନିକଟତର ହେବାକୁ ଥିବା ସବୁଠାରୁ ବଡ଼ ମହାକାଶୀୟ ପିଣ୍ଡ ମଧ୍ୟରୁ ଏହା ଅନ୍ୟତମ ।
୨୦୧୧ ୟୁଏଲ ୨୧ ନାମରେ ପରିଚିତ ଏହି ଗ୍ରହାଣୁକୁ ପୃଥିବୀ ନିକଟସ୍ଥ ଗ୍ରହାଣୁ ଭାବରେ ଶ୍ରେଣୀଭୁକ୍ତ କରାଯାଇଛି । ଏହା ପ୍ରତି ତିନି ବର୍ଷରେ ଥରେ ସୂର୍ଯ୍ୟକୁ ପରିକ୍ରମା କରିଥାଏ। ଏହାର ବ୍ୟାସ ୧.୭ରୁ ୩.୯ କିଲୋମିଟର ମଧ୍ୟରେ ରହିଛି। ପ୍ରାୟ ୬୬ ନିୟୁତ ବର୍ଷ ପୂର୍ବେ ଡାଇନୋସର ବିଲୁପ୍ତ ହେବାର କାରଣ ବୋଲି ବିଶ୍ୱାସ ରାଯାଉଥିବା ଗ୍ରହାଣୁଠାରୁ ଏହା ପ୍ରାୟ ୫ ଗୁଣ ଛୋଟ । ତା’ ସତ୍ତ୍ବେ ଏହାଦ୍ବାରା ବ୍ୟାପକ କ୍ଷୟକ୍ଷତି ଘଟିବାର ସମ୍ଭାବନା ଥିବାରୁ ଏହାକୁ ସମ୍ଭାବ୍ୟ ବିପଦ ଭାବରେ ଶ୍ରେଣୀଭୁକ୍ତ କରାଯାଇଛି। ଏହା ମହାଦେଶୀୟ ସ୍ତରରେ ବ୍ୟାପକ କ୍ଷୟକ୍ଷତି ଘଟାଇବା ଏବଂ ଜଳବାୟୁରେ ଉଲ୍ଲେଖନୀୟ ପରିବର୍ତ୍ତନ ଆଣିପାରେ । ବାୟୁମଣ୍ଡଳରେ ପର୍ଯ୍ୟାପ୍ତ ଆବର୍ଜନା ଛାଡ଼ିବାର କ୍ଷମତା ରଖିଛି ।
