ନନ୍ଦିଘୋଷ ବ୍ୟୁରୋ: ପୁଅର କାରନାମା ପାଇଁ ବାପା ମାଆଙ୍କ ଆତ୍ମହତ୍ୟା ଉଦ୍ୟମ। ଦିଗପହଣ୍ଡି ସଦର ଥାନା ଅନ୍ତର୍ଗତ ଗୌତମି ଗାଁରେ ଅଘଟଣ । ଗାଁରେ ଅବସର ପ୍ରାପ୍ତ ଅମିନ ମୁକୁନ୍ଦ ଡୋରାଙ୍କ ପୁଅ ଏସ ଲୁଲୁ ବିଭିନ୍ନ ଲୋକଙ୍କଠୁ ଚାକିରି ଦେବା ନାଁରେ ଲକ୍ଷାଧିକ ଟଙ୍କା ଚୂନ ଲଗାଇଥିଲେ। ବାରମ୍ବାର ବିଭିନ୍ନ ଲୋକ ତାଙ୍କ ପାଖକୁ ଟଙ୍କା ନେବା ପାଇଁ ଆସିଥାନ୍ତି। ଏଥିରେ ଅତିଷ୍ଠ ହୋଇ ବାପା ମାଆ ଦୁହେଁ ବିଷ ପିଇ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ। ସ୍ଥାନୀୟ ଲୋକଙ୍କ ସହାୟତାରେ ଉଭୟଙ୍କୁ ବ୍ରହ୍ମପୁର MKCG ମେଡିକାଲରେ ଭର୍ତ୍ତି କରାଯାଇଥିଲା। ଡାକ୍ତରଖାନାରେ ମୁକୁନ୍ଦ ଡୋରାଙ୍କ ସ୍ତ୍ରୀ ଦମୟନ୍ତିଙ୍କୁ ମୃତ ଘୋଷଣା କରିଥିଲେ ଡାକ୍ତର। ମୃତ ଦେହକୁ ପରିବାର ଏବଂ ଗାଁ ଲୋକେ ଶବ ସଂସ୍କାର କରିବା ସମୟରେ ଦମୟନ୍ତିଙ୍କ ମୃତଦେହକୁ ଜବତ କରିଛି ସଦର ପୋଲିସ।
