ଆଠଗଡ଼: ମହିଳାଙ୍କୁ ଗଳାକାଟି ହତ୍ୟା ପରେ ଥାନାରେ ଆତ୍ମ ସମର୍ପଣ କଲା ଯୁବକ। ଆଠଗଡ଼ ତିଗିରିଆ ଥାନା ପାଞ୍ଚଗାଁରେ ବିଳମ୍ୱିତ ରାତିରେ ଜଘନ୍ୟ ହତ୍ୟାକାଣ୍ଡ। ସମ୍ପତ୍ତି ଲୋଭରେ ଘରେ କାମ କରୁଥିବା ଯୁବକ ଗଳାକାଟି ହତ୍ୟା କରିଥିବା ଥାନାରେ ଅଭିଯୋଗ କରିଛନ୍ତି ପରିବାର ଲୋକ। ଯୁବକ ଜଣକ ହେଲେ ସେହି ଗାଁର କାର୍ତ୍ତିକ ସେଠୀ । ୧୦ବର୍ଷ ବୟସରୁ ମହିଳାଙ୍କ ଘରେ କାମ କରୁଥିଲା । ଅଭିଯୁକ୍ତ ଯୁବକ ଭିନ୍ନକ୍ଷମ ହୋଇଥିବାରୁ ଘରେ ଆଶ୍ରୟ ଦେଇଥିଲେ ମୃତ ଅଳ୍ପନା ଦାସ। ବିଭିନ୍ନ ସମୟରେ ମହିଳାଙ୍କ ସହ ତାଙ୍କର ବିଭିନ୍ନ କଥାକୁ ନେଇ ଝଗଡ଼ା ହୁଏ ବୋଲି ଅଭିଯୋଗ କରିଛନ୍ତି ପରିବାର ଲୋକ।
ଯୁବକ ଜଣଙ୍କ ଗଳା କାଟି ହତ୍ୟା କରିବା ପରେ ତିଗିରିଆ ଥାନାରେ ଆତ୍ମ ସମର୍ପଣ କରିଛି। ଘଟଣା ସ୍ଥଳରେ ତିଗିରିଆ ପୋଲିସ ପହଞ୍ଚି ତଦନ୍ତ ଜାରି ରଖିଛି।
