ନନ୍ଦିଘୋଷ ବ୍ୟୁରୋ: ଅବିବାହିତ ଦମ୍ପତିଙ୍କୁ ଏଣିକି ମନା ହେବ ଓୟୋ ହୋଟେଲ। କମ୍ପାନୀ ପକ୍ଷରୁ ଆରମ୍ଭ ହୋଇଛି ନୂଆ ଚେକ ଇନ ପଲିସି। ଏହ ଯୋଜନା ମିରଟରୁ ଆରମ୍ଭ ହୋଇଛି। ନୂଆ ନିୟମ ଅନୁସାରେ ଯେଉଁ ଦମ୍ପତିମାନେ ଚେକ୍ ଇନ କରିବେ ସେମାନେ ନିଜର ସମ୍ପର୍କର ବୈଧ ପ୍ରମାଣପତ୍ର ଦାଖଲ କରିବେ। ଏପରିକି ଓୟୋରେ ବୁକିଂ ବେଳେ ବି ଏହି ପ୍ରମାଣପତ୍ର ଦାଖଲ କରିବାକୁ ପଡିବ। ବିଭିନ୍ନ ସିଭିଲ ସୋସାଇଟି ଗ୍ରୁପ ପକ୍ଷରୁ ମିଳିଥିବା ପ୍ରସ୍ତାବ ଅନୁସାରେ ଓୟୋ ପକ୍ଷରୁ ଏହି ପଦକ୍ଷେପ ନିଆଯାଇଛି।
ପ୍ରଥମରେ ଏହି ଯୋଜନା ମିରଟରୁ ଆରମ୍ଭ କରାଯାଇଛି। ପରେ ଅନାନ୍ୟ ସହରରେ ବି ଏହି ନିୟମ କାର୍ଯ୍ୟକାରୀ ହେବ। ଆତିଥ୍ୟ କ୍ଷେତ୍ରରେ ନିରାପଦ ବ୍ୟବସ୍ଥା ଓ ଦାୟିତ୍ୱବୋଧ ସ୍ବରୂପ ଏହି ବ୍ୟବସ୍ଥା କରାଯାଇଛି ବୋଲି କହିଛନ୍ତି ଓୟୋ ନର୍ଥ ଇଣ୍ଡିଆର ମୁଖ୍ୟ ପୱସ ଶର୍ମା।
