ନନ୍ଦିଘୋଷ ବ୍ୟୁରୋ : ସୀମାରେ ସୁରକ୍ଷା ବାହିନୀଙ୍କର ବଡ଼ ସଫଳତା । ପଠାନକୋଟର ଅନ୍ତର୍ଜାତୀୟ ସୀମା ଅଞ୍ଚଳରେ ଜଣେ ଅନୁପ୍ରବେଶକାରୀକୁ ନିପାତ କରିଛନ୍ତି ବିଏସଏଫ ଯବାନ। ସୂଚନା ମୁତାବକ, ବୁଧବାର ସକାଳେ ଜଣେ ବ୍ୟକ୍ତି ପଠାନକୋଟ ରାସ୍ତା ଦେଇ ଭାରତରେ ଅନୁପ୍ରବେଶ କରିବାକୁ ଚେଷ୍ଟା କରୁଥିଲା। ଏହି ସମୟରେ ବିଏସଏଫ ଯବାନମାନେ ତାକୁ ଚେତାବନୀ ଦେଇଥିଲେ ମଧ୍ୟ ସେ ଏହାକୁ ଅଣଦେଖା କରି ଆଗକୁ ବଢିଥିଲା। ଏହି ପରିସ୍ଥିତିରେ ବିପଦ ଆଶଙ୍କା କରି ଯବାନମାନେ ଅନୁପ୍ରବେଶକାରୀ ଉପରକୁ ଗୁଳି ଚଳାଇ ଅନୁପ୍ରବେଶ ଉଦ୍ୟମକୁ ପଣ୍ଡ କରିଛନ୍ତି ।
