ଚାରମିନାର ନିକଟ କୋଠାରେ ଭୟଙ୍କର ଅଗ୍ନିକାଣ୍ଡ : ୧୭ ଜୀବନ୍ତ ଦଗ୍ଧ

ନନ୍ଦିଘୋଷ ବ୍ୟୁରୋ: ହାଇଦ୍ରାବାଦରୁ ଆସିଲା ଚମକାଇ ଦେବା ଭଳି ଖବର । ଚାରମିନାର ନିକଟରେ ଥିବା କୋଠାରେ ଭୟଙ୍କର ଅଗ୍ନିକାଣ୍ଡ ଘଟିଛି । ଯେଉଁଥିରେ ୧୭ ଜଣ ଜୀବନ ଦଗ୍ଧ ହୋଇଛନ୍ତି । ତିନି ମହଲା କୋଠାରେ ଭୟଙ୍କର ଅଗ୍ନିକାଣ୍ଡ ଘଟିଥିବାବେଳେ ଅଗ୍ନିଶମ ବିଭାଗ ପକ୍ଷରୁ ନିଆଁଲିଭା କାମ ଜାରି ରହିଛି । ତେବେ ସର୍ଟ ସର୍କିଟିରୁ ଏହି ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି । କିନ୍ତୁ ଏଯାବତ କୌଣସି ସ୍ପଷ୍ଟ ହୋଇ ନଥିବାବେଳେ ଭୟଙ୍କର ଭାବେ ନିଆଁ ଜଳୁଛି । ଘଟଣାସ୍ଥଳରେ ଜୋରସୋରରେ ରେସ୍କ୍ୟୁ ଅପରେସନ ଜାରି ରହିଥିବାବେଳେ ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଛି । ଲୋକେ ବେଶ ଭୟଭୀତ ରହିଥିବାବେଳେ ବହୁ ଆହତଙ୍କୁ ଉଦ୍ଧାର କରି ମେଡିକାଲ ନିଆଯାଉଛି । ତେବେ ଆହୁରି ମୃତ୍ୟୁ ସଂଖ୍ୟା ବଢ଼ିପାରେ ବୋଲି ଖବର ମିଳିଛି ।