ପହଲଗାମ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ସୈଫୁଲ୍ଲା ଖାଲିଦଙ୍କୁ ଗୁଳି କରି ହତ୍ୟା ..
1 min read
ନନ୍ଦିଘୋଷ ବ୍ୟୁରୋ: ଲସ୍କର-ଏ-ତୈବାର ଆତଙ୍କବାଦୀ ରଜାଉଲ୍ଲା ନିଜାମାନି ଖାଲିଦ ନାମରେ ଜଣାଶୁଣା ଅବୁ ସୈଫୁଲ୍ଲା ଖାଲିଦଙ୍କୁ ଗୁଳି କରି ହତ୍ୟା । ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ବା ମହମ୍ମଦ ସଲିମ ଏବଂ ବିନୋଦ କୁମାର ଭଳି ଅନେକ ଛଦ୍ମନାମରେ କାର୍ଯ୍ୟ କରୁଥିବା ଖାଲିଦଙ୍କୁ ମାଟଲି ଅଞ୍ଚଳରେ ତାଙ୍କ ବାସଭବନରୁ ବାହାରିବା ସମୟରେ ତିନି ଜଣ ଅଜ୍ଞାତ ବନ୍ଧୁକଧାରୀଙ୍କ ଦ୍ୱାରା ଗୁଳି କରି ହତ୍ୟା କରାଯାଇଥିବା ଜଣାପଡ଼ିଛି। ଖାଲିଦ ୨୦୦୬ରେ ଆରଏସଏସ ମୁଖ୍ୟାଳୟରେ ହେଇଥିବା ଆତଙ୍କବାଦୀର ମାଷ୍ଟରମାଇଣ୍ଡ ଥିଲା ।
ସିନ୍ଧୁରେ ସୈଫୁଲ୍ଲାଙ୍କ ଅନ୍ତିମସଂସ୍କାର କରାଯାଇଛି । ସୈଫୁଲ୍ଲାଙ୍କ ଅନ୍ତିମସଂସ୍କାର ସମୟରେ ଅନେକ ଲସ୍କର ଆତଙ୍କବାଦୀ ଉପସ୍ଥିତ ଥିଲେ । ତାଙ୍କ ମୃତଦେହ ପାକିସ୍ତାନୀ ପତାକାରେ ଆବୃତ୍ତ ହୋଇଥିଲା ଏବଂ ଲସ୍କର ଆତଙ୍କବାଦୀମାନେ ଗୋଟିଏ ପରେ ଗୋଟିଏ ନାମାଜ-ଇ ଜାନାଜା ପ୍ରଦାନ କରିଥିଲେ । ଖାଲିଦ ଯିଏ “ସୈଫୁଲ୍ଲା କସୁରୀ” ଭାବରେ ମଧ୍ୟ ଜଣାଶୁଣା, ଭାରତର ସବୁଠାରୁ ୱାଣ୍ଟେଡ୍ ଆତଙ୍କବାଦୀ ହାଫିଜ୍ ସଇଦର ଜଣେ ଘନିଷ୍ଠ ସହଯୋଗୀ ଥିଲା ଏବଂ ସେ ଲଇର ଉପମୁଖ୍ୟ ପଦବୀରେ ଥିଲା। କସୁରୀ ଭାରତରେ ଅନେକ ବଡ଼ ବଡ ଆକ୍ରମଣ ଏବଂ ଆତଙ୍କବାଦୀଙ୍କୁ ପାଣ୍ଠି ଯୋଗାଇବାରେ କାର୍ଯ୍ୟ କରୁଥିଲା । ଭାରତରେ ଆତଙ୍କବାଦୀଙ୍କ ଅନୁପ୍ରବେଶକୁ ସହଜ କରୁଥିଲା ଏବଂ ନିଯୁକ୍ତି, ଆର୍ଥିକ ଏବଂ ଲଜିଷ୍ଟିକ୍ସ ତଦାରଖ କରୁଥିଲା । ଆଜମ ଚିମା, ଓରଫ ବାବାଜୀ ଏବଂ ଗୋଷ୍ଠୀର ମୁଖ୍ୟ ହିସାବ ରକ୍ଷକ ୟାକୁବ ସମେତ ଶୀର୍ଷ ଏଲଇଟି କମାଣ୍ଡରଙ୍କ ସହିତ ତାଙ୍କର ଘନିଷ୍ଠ ସମନ୍ୱୟ ଆତଙ୍କବାଦୀ ସଂଗଠନର ସୀମାପାର କାର୍ଯ୍ୟକଳାପକୁ ଆହୁରି ମଜବୁତ କରୁଥିଲା । ଯେପରିକି ୨୦୦୬ ମସିହାରେ ନାଗପୁରରେ ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ମୁଖ୍ୟାଳୟ ଉପରେ ଆକ୍ରମଣ, ୨୦୦୧ ମସିହାରେ ରାମପୁରରେ ସିଆରପିଏଫ ଶିବିର ଉପରେ ଆକ୍ରମଣ ଏବଂ ୨୦୦୫ ମସିହାରେ ବେଙ୍ଗାଲୁରୁରେ ଭାରତୀୟ ବିଜ୍ଞାନ ପ୍ରତିଷ୍ଠାନ (ଆଇଆଇଏସସି) ଉପରେ ଆକ୍ରମଣ। ନେପାଳରୁ କାର୍ଯ୍ୟ କରୁଥିବା ଖାଲିଦ ଏହି ଅଞ୍ଚଳରେ ଏଲଇଟି ମଡ୍ୟୁଲ୍ ପରିଚାଳନା କରିଥିଲେ ବୋଲି କୁହାଯାଏ । ପାକିସ୍ତାନରେ ରହି ଲସ୍କର ପାଇଁ ସେ ଆତଙ୍କବାଦୀ ନିୟୋଜିତ କରୁଥିଲା ଅପରେସନ ସିନ୍ଦୂର ପରେ ପାକ୍ ଆର୍ମୀ ଏବଂ ISI ଆତଙ୍କବାଦୀମାନଙ୍କୁ କଡା ସୁରକ୍ଷା ଦେଉଥିବା ବେଳେ ସୈଫୁଲ୍ଲାକୁ ଘର ନବାହାରିବାକୁ ପରାମର୍ଶ ଦିଆଯାଇଥିଲା ।
ନିକଟରେ ହାଫିଜ ସଇଦର ପାଖାପାଖି ସମସ୍ତ ଆତଙ୍କବାଦୀଙ୍କୁ ବିଭିନ୍ନ ସହରରେ ହତ୍ୟା କରାଯାଉଥିବା ବେଳେ ହାଫିଜ ମଧ୍ୟ ନିକଟରେ ଏକ ବଡ ଆକ୍ରମଣରୁ ବର୍ତ୍ତିଯାଇଥିଲା । ଅପରେସନ ସିନ୍ଦୂରରେ ଲସ୍କର ହେଡକ୍ବାର୍ଟର ମୁରିଦକେ ଭାରତୀୟ ସେନାର ଟାର୍ଗେଟରେ ଥିବା ବେଳେ ତାକୁ ମିସାଇଲ ସାହାଯ୍ୟରେ ଉଡାଇଦିଆଯାଇଥିଲା । ଏନେଇ ହାଫିଜ ସଇଦ ଏବଂ ତା ପୁଅ ତାଲ୍ହା ସଇଦ ସମେତ ବହୁ ଆତଙ୍କବାଦୀଙ୍କ ସୁରକ୍ଷା ବଢାଯାଇଥିବା ବେଳେ ତାଙ୍କୁ ଘରେ ରହିବାକୁ ISI ପରାମର୍ଶ ଦେଇଛି । ସୈଫୁଲ୍ଲାହା ପୂର୍ବରୁ ମୋଷ୍ଟ ଓ୍ବାଣ୍ଟେଡ ଅବୁ କତାଲକୁ ୧୬ ମାର୍ଚ୍ଚରେ ପାକିସ୍ତାନରେ ହତ୍ୟା କରାଯାଇଥିଲା । ଅବୁ ଖତରନାକ ଆତଙ୍କବାଦୀ ମଧ୍ୟରୁ ଜଣେ ଥିଲା । ଯିଏ କାଶ୍ମୀରରେ ବହୁ ଆତଙ୍କୀ ଆକ୍ରମଣ କରାଇଥିଲା । ତେବେ ସୈଫୁଲ୍ଲାହକୁ ହତ୍ୟା ପରେ ହାଫିଜକୁ ବଡ ଝଟକା ଲାଗିଛି ।
ଗୁଇନ୍ଦା ରିପୋର୍ଟ ଅନୁଯାୟୀ ଖାଲିଦଙ୍କ ଜୀବନ ପ୍ରତି ବିପଦ ଥିବା ନେଇ ସୁରକ୍ଷା ବୃଦ୍ଧି କରାଯିବା ସତ୍ତ୍ୱେ, ରବିବାର ଅପରାହ୍ନରେ ମାଟଲି ଫାଲକରା ଚୌକ ନିକଟରେ ତାଙ୍କୁ ଆକ୍ରମଣ କରାଯାଇଥିଲା। ସୁରକ୍ଷା ସୂତ୍ର ଅନୁଯାୟୀ ତାଙ୍କ ଆକ୍ରମଣକାରୀମାନେ ଧରାପଡ଼ିବାରୁ ରକ୍ଷା ପାଇବାରେ ସଫଳ ହୋଇଥିଲେ, ଯାହା ଏହି ଅଞ୍ଚଳରେ ଚାଲିଥିବା ସୁରକ୍ଷା ଚ୍ୟାଲେଞ୍ଜକୁ ଉଜାଗର କରିଛି ।
