ମାଲକାନଗିରି: ଆଉ ଜଣେ ଦୁର୍ଦ୍ଦାନ୍ତ ମାଓ ନେତା ନିହତ। ସେ ହେଲେ ଭାସ୍କର। ମାଲକାନଗିରି ସୀମାନ୍ତ ବିଜାପୁର ଜିଲ୍ଲାରେ ହୋଇଥିବା ଏନକାଉଣ୍ଟରରେ ସେ ନିହତ ହୋଇଛନ୍ତି । ଏହି ସୂଚନା ଦେଇଛନ୍ତି ବସ୍ତର ଆଇଜି ସୁନ୍ଦରରାଜ ପି । ଭାସ୍କର ନାଁରେ ଥିଲା ୨୫ ଲକ୍ଷର ପୁରସ୍କାର । ବହୁଦିନରୁ ଭାସ୍କରକୁ ଗିରଫ କରିବାକୁ ଜାଲ ବିଛା ଯାଇଥିଲା। ତେଲଙ୍ଗାନା, ଆନ୍ଧ୍ର ଓ ଛତିଶଗଡ଼ ସରକାର ଲକ୍ଷାଧିକ ଟଙ୍କା ପୁରସ୍କାର ମଧ୍ୟ ଘୋଷଣା କରିଥିଲେ। ବିଜାପୁର ଜାତୀୟ ଉଦ୍ୟାନର ଘଞ୍ଚ ଜଙ୍ଗଲ ଓ ପାହାଡ଼ିଆ ଅଞ୍ଚଳରେ ସେ ଲୁଚି ରହିଥିବାରୁ ସହଜରେ ଧରି ହେଉନଥିଲା।
କିଛିଦିନ ତଳେ ସେହି ଅଞ୍ଚଳରେ ବହୁ ନକ୍ସଲ ଲୁଚି ରହିଥିବାର ସୂଚନା ପରେ ଡିଆରଜି ଓ ସିଆରପିଏଫ ପକ୍ଷରୁ ହୋଇଥିଲା ମିଳିତ ଅପରେସନ। ଏଥିରେ ଭାସ୍କର ନିହତ ହୋଇଛି। ଦିନକ ତଳେ କେନ୍ଦ୍ରୀୟ କମିଟି ସଦସ୍ୟ ବାଲକ୍ରିଷ୍ଣ ସୁଧାକର ବି ନିହତ ହୋଇଥିଲେ। ବିଜାପୁରରେ ଅପରେସନ ଜାରି ରହିଛି। ସେଠାରୁ ମିଳିଛି ଏକ ୪୭ ରାଇଫଲ୍ ସହିତ ଅନେକ ମାଓ ସାମଗ୍ରୀ
