ଖାଦ୍ୟରେ ବିଷକ୍ରିୟା ଯୋଗୁଁ ୧୦୦ରୁ ଅଧିକ ଭକ୍ତ ମେଡିକାଲରେ ଭର୍ତ୍ତି। ତାମିଲନାଡୁ ବିରୁଧୁନଗର ଜିଲ୍ଲାର ଏକ ମନ୍ଦିରରେ ପ୍ରସାଦ ଖାଇ ଅସୁସ୍ଥ ହୋଇ ପଡିଛନ୍ତି ଭକ୍ତ। ମନ୍ଦିରରେ ମହୋତ୍ସବରେ ଖାଦ୍ୟ ପରିବେଷଣ କରାଯାଇଥିଲା। ଆକ୍ରାନ୍ତ ବ୍ୟକ୍ତିମାନଙ୍କୁ ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଛି। ଅଧିକାଂଶ ଅସୁସ୍ଥଙ୍କୁ ମଦୁରାଇର ରାଜାଜୀ ହସ୍ପିଟାଲରେ ଭର୍ତ୍ତି କରାଯାଇଛି। ଅନ୍ୟ କିଛି ଲୋକଙ୍କୁ ବିରୁଧୁନଗରର ଅନ୍ୟ ହସ୍ପିଟାଲରେ ଭର୍ତ୍ତି କରାଯାଇଛି। ମେଡିକାଲ କର୍ତ୍ତୃପକ୍ଷ ଘଟଣାର ତଦନ୍ତ କରୁଛନ୍ତି। ସମସ୍ତ ରୋଗୀ ସୁସ୍ଥ ଥିବା ରାଜାଜୀ ହସ୍ପିଟାଲର ଡିନ୍ କହିଛନ୍ତି। ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ଜିଲ୍ଲା ପ୍ରଶାସନ। ଖାଦ୍ୟରେ ବିଷକ୍ରିୟାର କାରଣ କଣ ଏହାର ତଦନ୍ତ ଚାଲିଛି।
