ଆମେଟି ଗାଁରେ ଜ୍ବର ଆତଙ୍କ  

ନନ୍ଦିଘୋଷ ବ୍ୟୁରୋ: ରାୟଗଡା ଜିଲ୍ଲା ରାମନାଗୁଡା ବ୍ଲକ ଉକମ୍ବା ପଞ୍ଚାୟତ ଆମେଟି ଗାଁରେ ଜ୍ବର ଆତଙ୍କ । ଗତ ୨୦ ଦିନ ହେବ ପ୍ରତି ଘରେ ଜ୍ଵର ହେବା ସହ ଦେହ କୁଣ୍ଡାଇ ହେବା ଓ ଗୋଡ଼ ବ୍ୟଥା ହେଉଛି । କିଛି ଲୋକ ଭଲ ହୋଇଥିବା ବେଳେ ଆହୁରି ଅନେକ ଲୋକ ଘରେ ଶୋଇ ରହିଛନ୍ତି । ଆଉ କିଛି ରୋଗୀ ଚିକିତ୍ସା ପରେ ସ୍ୱାସ୍ଥ୍ୟରେ ଉନ୍ନତି ନଆସିବାରୁ ଆନ୍ଧ୍ର ମୁହାଁ ହୋଇଥିବା ଅଭିଯୋଗ ହୋଇଛି । ଖବର ପାଇ ଉକମ୍ବା ଓ ରାମନାଗୁଡା ଡାକ୍ତରଖାନାର ଟିମ ଗାଁକୁ ଯାଇ ଚିକିତ୍ସା କରି ଫେରିଛନ୍ତି । ଏପଟେ ରୁତୁ ପରିବର୍ତ୍ତନ ହେବା ପରେ ଭାଇରାଲ ଜ୍ଵର ଆଉ ସମସ୍ତଙ୍କ ରକ୍ତ ନମୁନା ନେଗେଟିଭ ରହିଛି ବୋଲି ଡାକ୍ତର ସୂଚନା ଦେଇଛନ୍ତି ।