ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ଶତକ ମାରି ଧୋନୀଙ୍କ ରେକର୍ଡ ଭାଙ୍ଗିଲେ ପନ୍ତ

ନନ୍ଦିଘୋଷ ବ୍ୟୁରୋ: ଭାରତ ଓ ଇଂଲଣ୍ଡ ମଧ୍ୟରେ ଚାଲିଥିବା ପ୍ରଥମ ଟେଷ୍ଟ ମ୍ୟାଚରେ ରିଷଭ ପନ୍ତଙ୍କ ମହା ରେକର୍ଡ । ଶତକ ମାରିବା ସହ ଇତିହାସ କରିଛନ୍ତି ପନ୍ତ । ଏବେ ପନ୍ତ ଭାରତର ପାଇଁ ଟେଷ୍ଟ କ୍ରିକେଟରେ ସବୁଠାରୁ ଅଧିକ ଶତକ ମାରିଥିବା ଖେଳାଳି ବନିଯାଇଛନ୍ତି । ଏହା ତାଙ୍କ କ୍ୟାରିୟରର ୭ମ ଶତକ । ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ (୬) ଏବଂ ରିଦ୍ଧିମାନ ଶାହା (୩)ଙ୍କୁ ପଛରେ ପକାଇ ଦେଇଛନ୍ତି ।

ଏହି ଧୂଆଁଧାର ଶତକୀୟ ପାରିରେ ପନ୍ତ ଏକାଧିକ ରେକର୍ଡ ନିଜ ନାଁରେ କରିଛନ୍ତି । ଶତକ କରିବା ବେଳେ ପନ୍ତ ୧୦ ଚୌକା ଓ ୪ ଛକା ମାରିଛନ୍ତି । ଇଂଲଣ୍ଡରେ ଏହା ପନ୍ତଙ୍କ ତୃତୀୟ ଶତକ । ବିଦେଶ ମାଟିରେ ୫ ଓ ଭାରତରେ ଦୁଇଟି ଶତକ ହାସଲ କରିଛନ୍ତି ପନ୍ତ । ପନ୍ତ ଏକମାତ୍ର ଭାରତୀୟ ଯିଏ ଇଂଲଣ୍ଡ ମାଟିରେ ଇଂଲଣ୍ଡ ବିପକ୍ଷରେ ୩ଟି ଶତକ ମାରିଛନ୍ତି ।