ନିଜ ହିସାବରେ ପନ୍ତ ଚଳାନ୍ତି କମ୍ପ୍ୟୁଟର, ଜାଣନ୍ତୁ କାହିଁକି ଏମିତି କହିଲେ ରବି ଶାସ୍ତ୍ରୀ

ନନ୍ଦିଘୋଷ ବ୍ୟୁରୋ: ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟର ପ୍ରଥମ ପାଳିରେ ଦମଦାର ଶତକ ହାସଲ କରିଛନ୍ତି ଟିମ୍ ଇଣ୍ଡିଆର ଓ୍ବିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତ । ସେ ୧୭୮ ବଲରୁ ୧୩୪ ରନର ପାଳି ଖେଳିଛନ୍ତି । ଯେଉଁଥିରେ ୬ଟି ବିଶାଳ ଛକା ସାଙ୍ଗକୁ ୧୨ ଚୌକା ଅନ୍ତର୍ଭୁକ୍ତ । ତେବେ ପନ୍ତଙ୍କ ଉଚ୍ଚକୋଟିର ପ୍ରଦର୍ଶନକୁ ନେଇ ଟିମ ଇଣ୍ଡିଆର ପୂର୍ବତନ ମୁଖ୍ୟ ପ୍ରଶିକ୍ଷକ ରବି ଶାସ୍ତ୍ରୀ ପ୍ରଂଶସା କରିଥିବା ଦେଖିବାକୁ ମିଳିଛି । ସେ କହିଛନ୍ତି କି, ପନ୍ତଙ୍କ ପାଖରେ ଏକ କମ୍ପ୍ୟୁଟର ରହିଛି । ଯାହାକୁ କେମିତି ଚଳାଯିବ ସେ ଏହାକୁ ବେଶ ଭଲଭାବେ ବୁଝିଛନ୍ତି । ଆଉ ସେ ନିଜ ହିସାବରେ ଚଲାଇଥାନ୍ତି । ତେବେ ପନ୍ତଙ୍କ ପାଖରେ ଏମିତି କେଉଁ କମ୍ପ୍ୟୁଟର ରହିଛି ?

ତେବେ ରବି ଶାସ୍ତ୍ରୀ ତାଙ୍କ ପ୍ରଦର୍ଶନକୁ ନେଇ ଏଭଳି କହିଛନ୍ତି । ପନ୍ତଙ୍କ ଖେଳକୁ ସେ କମ୍ପ୍ୟୁଟର ସହ ତୁଳନା କରିଛନ୍ତି । ପନ୍ତ ସବୁବେଳେ ନିଜ ଷ୍ଟାଇଲରେ ଖେଳିଥାନ୍ତି । ଖେଳକୁ ଶୀଘ୍ର ପରିବର୍ତ୍ତନ କରିବାରେ ପାରଙ୍ଗମ । ସେ ଏଭଳି ସ୍ଥିତି ଦେଖି ଖେଳନ୍ତି କି, ବୋଲରଙ୍କ ଉପରେ ସବୁବେଳେ ଚାପ ପକାଇଥାନ୍ତି । ବିଶ୍ବ ପନ୍ତଙ୍କୁ ଜଣେ ମ୍ୟାଚ ବିଜୟୀ ଏବଂ ମନୋରଞ୍ଜନକାରୀ ବ୍ୟାଟ୍ସମ୍ୟାନ ଭାବେ ଦେଖିବାକୁ ଚାହେଁ । ତେବେ କହି ରଖୁଛୁ କି, ତିନି ବର୍ଷ ତଳେ ବଡ଼ ସଡ଼କ ଦୁର୍ଘଟଣାରୁ ବର୍ତ୍ତିବା ଆଉ ପୁଣିଥରେ ଟିମ ଇଣ୍ଡିଆକୁ କମବ୍ୟାକ୍ କରିବା ସାଙ୍ଗକୁ ଶତକୀୟ ପାଳି । ସମସ୍ତେ ପନ୍ତଙ୍କ ପ୍ରଦର୍ଶନକୁ ନେଇ ଭୁରି ଭୁରି ପ୍ରଂଶସା କରୁଥିବା ଦେଖିବାକୁ ମିଳିଛି ।