ପୁଣି ଟ୍ରମ୍ପଙ୍କୁ ଖୋଲା ଚ୍ୟାଲେଞ୍ଚ ଦେଲେ ମସ୍କ
ନନ୍ଦିଘୋଷ ବ୍ୟୁରୋ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିକଟତର କୋଟିପତି ଏଲୋନ ମସ୍କ ପୁଣି ଥରେ ଆମେରିକା ରାଷ୍ଟ୍ରପତିଙ୍କ ‘ୱାନ୍ ବିଗ୍ ବିୟୁଟିଫୁଲ୍ ବିଲ୍’ କୁ କଡ଼ା ସମାଲୋଚନା କରିଛନ୍ତି । ଆଉ ତାଙ୍କୁ ଏକ ନୂଆ ଚ୍ୟାଲେଞ୍ଜ ବି ଦେଇଛନ୍ତି । ସେ କହିଛନ୍ତି ଯେ ଯଦି ସେନେଟ୍ ଏହି ବିଲ୍ କୁ ମଞ୍ଜୁର କରେ, ତେବେ ସେ ପରଦିନ ‘ଆମେରିକୀୟ ପାର୍ଟି’ ନାମକ ଏକ ନୂଆ ରାଜନୈତିକ ଦଳ ଗଠନ କରିବେ। ମସ୍କ ଏହି ବିଲ୍ କୁ ଟ୍ରମ୍ପଙ୍କ ପାଗଳାମି ବୋଲି କହିଛନ୍ତି। ସେ ଏହା ମଧ୍ୟ କହିଛନ୍ତି ଯେ ଏହା ସାଧାରଣ କରଦାତାଙ୍କ ଉପରେ ବୋଝ ଭଳି ହେବ।
ୱାନ୍ ବିଗ୍ ବିୟୁଟିଫୁଲ୍ ବିଲ୍’ ଟିକସ ହ୍ରାସ, ସାମରିକ ବଜେଟ୍ ବୃଦ୍ଧି ଏବଂ ଦେଶରୁ ବେଆଇନ ପ୍ରବାସୀମାନଙ୍କୁ ବଡ଼ ପରିମାଣରେ ନିର୍ବାସନ ଭଳି ଯୋଜନା ଉପରେ ଖର୍ଚ୍ଚ ବୃଦ୍ଧି ସହିତ ଜଡିତ, ଯାହାକୁ ମସ୍କ ଆରମ୍ଭରୁ ଖୋଲାଖୋଲି ବିରୋଧ କରିଆସୁଛନ୍ତି।
‘ୱାନ୍ ବିଗ୍ ବିୟୁଟିଫୁଲ୍ ବିଲ୍’ କ’ଣ?
- ଏହି ବିଲ୍ ମାଧ୍ୟମରେ, ଟ୍ରମ୍ପ ୨୦୧୭ ରେ କାର୍ଯ୍ୟକାରୀ ହୋଇଥିବା ଟିକସ ହ୍ରାସକୁ ଆହୁରି ବୃଦ୍ଧି କରିବାକୁ ଚାହୁଁଛନ୍ତି।
- ଏହି ବିଲରେ ୪.୫ ଟ୍ରିଲିୟନ ଡଲାର ଖର୍ଚ୍ଚର ବ୍ୟବସ୍ଥା ଅଛି।
- ଏଥିରେ ସାମରିକ ବାହିନୀ, ସୀମା ସୁରକ୍ଷା ଏବଂ ଅବୈଧ ପ୍ରବାସୀମାନଙ୍କୁ ଦେଶାନ୍ତର କରିବା ପାଇଁ ଅଧିକ ଖର୍ଚ୍ଚ ପାଇଁ ବଜେଟ୍ ଅନ୍ତର୍ଭୁକ୍ତ।
ସମାଲୋଚକମାନେ କହିଛନ୍ତି ଯେ ଏହି ବିଲ୍ ଆମେରିକାର ଜାତୀୟ ଋଣରେ $3.3 ଟ୍ରିଲିୟନ ଯୋଡିବ ଏବଂ ଗରିବ ଲୋକଙ୍କ ପାଇଁ ସ୍ୱାସ୍ଥ୍ୟସେବା ପ୍ରାୟ $1 ଟ୍ରିଲିୟନ ହ୍ରାସ କରିବ।
