ପୂର୍ବତନ ଇଣ୍ଟରନ୍ୟାସନାଲ ହକି ଖେଳାଳି ବିମଲ ଲାକ୍ରା ମେଡିକାଲରେ ଭର୍ତ୍ତି

ରାଞ୍ଚି: କ୍ରୀଡ଼ା ଜଗତରୁ ଆସିଛି ଏକ ନୈରାଶ୍ୟଜନକ ଖବର । ପୂର୍ବତନ ଇଣ୍ଟରନ୍ୟାସନାଲ ହକି ଖେଳଳି ବିମଲ ଲାକ୍ରା କ୍ଷେତରେ ପଡ଼ି ବେହୋସ୍ ହୋଇଯାଇଛନ୍ତି । ତେଣୁ ଚିକିତ୍ସା ପାଇଁ ତାଙ୍କୁ ରାଞ୍ଚିର କ୍ୟୁରେସେଟା ହସ୍ପିଟାଲରେ ଭର୍ତ୍ତି କରାଯାଇଛି । ବିମଲଙ୍କ ପୈତୃକ ଗ୍ରାମ ସିମଡେଗାର ଟ୍ୟାନ୍ସରରେ ଓ ସେ ନିଜ ଗାଁକୁ ଯାଇଥିବା ବେଳେ ଏହି ଅଘଟଣ ଘଟିଥିଲା । ହକି ଝାରଖଣ୍ଡର ଉପାଧ୍ୟକ୍ଷ ଓ ସିମଡେଗା ହକିର ଅଧ୍ୟକ୍ଷ ମନୋଜ କୋନବେଗୀ କହିଛନ୍ତି, ବିମଲ ଗାଁର ନିଜ କ୍ଷେତକୁ ଯାଇଥିବା ବେଳେ ସେଠାରେ ବେହୋସ ହୋଇଯାଇଥିଲେ ।

ସୂଚନାଯୋଗ୍ୟ ଯେ, ବିମଲ ରାଷ୍ଟ୍ରୀୟ ଟିମରେ ମିଡଫିଲ୍ଡର ଭାବେ ଖେଳୁଥିଲେ । ୨୦୦୨ ମସିହ ଏସୀୟ କ୍ରୀଡ଼ାରେ ସେ ରୌପ୍ୟ ପଦକ ବିଜୟୀ ହୋଇଥିବା ଟିମର ସଦସ୍ୟ ଥିଲେ । ବିମଲଙ୍କ ଛୋଟ ଭାଇ ବିରେନ୍ଦ୍ର ଲାକ୍ରା ସିନିୟର ଓ ସାନ ଭଉଣୀ ଅସନ୍ତା ଲାକ୍ରା ମଧ୍ୟ ଫିଲ୍ଡ ହକିରେ ଭାରତର ପ୍ରତିନିଧିତ୍ବ କରିସାରିଛନ୍ତି ।