ଆଜି ସରୁଛି କଣ୍ଟ, ଦୃଢ ପଦକ୍ଷେପ ନେଇପାରନ୍ତି ରାଜ୍ୟ ଓଏଏସ୍ ସଂଘ

ନନ୍ଦିଘୋଷ ବ୍ୟୁରୋ : ଆଜି ସରୁଛି କଣ୍ଟ । ଦୃଢ ପଦକ୍ଷେପ ନେଇପାରନ୍ତି ରାଜ୍ୟ ଓଏଏସ୍ ସଂଘ । ବିଏମସି ଅତିରିକ୍ତ କମିଶନରଙ୍କୁ ଆକ୍ରମଣ ଘଟଣାରେ ମାଷ୍ଟରମାଇଣ୍ଡକୁ ଗିରଫ କରିବାକୁ ଦାବି କରିଛି ସଂଘ । ଗତକାଲିଠୁ ରାଜ୍ୟର ଅଧାରୁ ଅଧିକ ଜିଲ୍ଲାରେ ସମୁହ ଛୁଟିରେ ଓଏଏସ୍ ଅଧିକାରୀ । ସେପଟେ ଓଏଏସ ଅଧିକାରୀଙ୍କ ଅନୁପସ୍ଥିତିରେ ରଥଯାତ୍ରା ଓ ପ୍ରଶାସନ କାର୍ଯ୍ୟ ଚାଲିବାରେ ବାଧାସୃଷ୍ଟି ହେବା ନେଇ ଆଶଙ୍କା ଉପୁଜିଛି । ଏପରିକି ଜିଲ୍ଲା ସ୍ରତରେ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା, ଟ୍ରେଜେରି କାର୍ଯ୍ୟ, ସରକାରଙ୍କ ରାଜସ୍ବ ସଂଗ୍ରହ ନେଇ ଅଚଳାବସ୍ତା ସୃଷ୍ଟି ହୋଇପାରେ । ଗତକାଲି ସୁଦ୍ଧା ବିଏମସି ଅତିରିକ୍ତ କମିଶନରଙ୍କୁ ଆକ୍ରମଣ ଘଟଣାରେ ୫ ଜଣ ଗିରଫ ହୋଇଛନ୍ତି । ହେଲେ ମୁଖ୍ୟ ଷଡଯନ୍ତ୍ରକାରୀ ଯେଉଁ ପର୍ଯ୍ୟନ୍ତ ଗିରଫ ନହୋଇଛନ୍ତି, ସେ ପର୍ଯ୍ୟନ୍ତ ଦାବିରୁ ଓହରିବେ ନାହିଁ ବୋଲି ସଂଘ ସ୍ପଷ୍ଟ କରିଛି ।