ଉଦୟପୁର ଫାଇଲ୍ସ ଫିଲ୍ମ ରିଲିଜକୁ ସୁପ୍ରିମକୋର୍ଟଙ୍କ ସବୁଜ ସଂକେତ

ନନ୍ଦିଘୋଷ ବ୍ୟୁରୋ : ଏଥର ରିଲିଜ୍ ହେବ ‘ଉଦୟପୁର ଫାଇଲ୍ସ’ ଫିଲ୍ମ । ସୁପ୍ରିମକୋର୍ଟରୁ ମିଳିଲା ସବୁତ ସଂକେତ । ବଲିଉଡ୍ ଫିଲ୍ମ ‘ଉଦୟପୁର ଫାଇଲ୍ସ’ର ନିର୍ମାତାଙ୍କୁ ମିଳିଲା ବଡ଼ ଆଶ୍ୱସ୍ତି, କାରଣ ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ମନା କରିଦେଇଛି ସୁପ୍ରିମକୋର୍ଟ । ଏହି ଫିଲ୍ମ ବିରୋଧରେ ଦାୟର ଅଭିଯୋଗ ଆବେଦନ ଗୁଡିକର ଶୁଣାଣି କରିବାକୁ ମଧ୍ୟ ମନା କରିଦେଇଛି ସୁପ୍ରିମକୋର୍ଟ । ପ୍ରସିଦ୍ଧ କନହୈୟାଲାଲ ହତ୍ୟା ମାମଲାର ଅଭିଯୁକ୍ତ ମହମ୍ମଦ ଯାବେଦ ଏହି ଯାଚିକା ଦାୟର କରିଥିଲା ।

ଯେତେବେଳେ ସୁପ୍ରିମକୋର୍ଟରେ ମାମଲାଟିର ଶୁଣାଣି ହୋଇଥିଲା ‘ଉଦୟପୁର ଫାଇଲ୍ସ’ ଫିଲ୍ମ ପକ୍ଷରୁ ଉପସ୍ଥିତ ଓକିଲ କହିଥିଲେଯେ, ଫିଲ୍ମଟି ଶୁକ୍ରବାର ରିଲିଜ୍ ହେବାକୁ ଯାଉଛି। ଏହା ଦ୍ୱାରା ଟ୍ରାୟନ ପରେ ପ୍ରଭାବ ପଡିପାରେ । କିନ୍ତୁ ସୁପ୍ରିମକୋର୍ଟ ସ୍ପଷ୍ଟ ଭାବରେ ତାଙ୍କୁ କହିଲେ ଯେ, ଯେ ଫିଲ୍ମଟି ରିଲିଜ୍ ହେବାକୁ ଦିଅ ଏବଂ କୋର୍ଟରେ ଆପଣଙ୍କର ମତାମତ ଉପସ୍ଥାପନ କର।

କେବଳ ଏତିକି ନୁହେଁ, ଫିଲ୍ମକୁ ନେଇ ଜାମିୟତ ଉଲେମା-ଏ-ହିନ୍ଦ ଦିଲ୍ଲୀ, ମହାରାଷ୍ଟ୍ର ଏବଂ ଗୁଜରାଟ ହାଇକୋର୍ଟରେ ପିଟିସନ ଦାୟର କରିଛନ୍ତି  । ଯେଉଁଥିରେ ଫିଲ୍ମର ରିଲିଜ୍ ଉପରେ ରୋକ ​​ଲଗାଇବା ଏବଂ ସେଣ୍ଟ୍ରାଲ ବୋର୍ଡ ଅଫ୍ ଫିଲ୍ମ ସାର୍ଟିଫିକେଶନ୍ (CBFC) ଦ୍ୱାରା ଦିଆଯାଇଥିବା ପ୍ରମାଣପତ୍ରକୁ ବାତିଲ କରିବା ଦାବି କରାଯାଇଛି।

‘ଉଦୟପୁର ଫାଇଲ୍ସ’କୁ ନେଇ କାହିଁକି ବିବାଦ?

‘ଉଦୟପୁର ଫାଇଲ୍ସ’ ଫିଲ୍ମଟି ୨୦୨୨ ମସିହାରେ ହୋଇଥିବା କନହୈୟାଲାଲ ହତ୍ୟା ମାମଲା ଉପରେ ଆଧାରିତ। ଏହାର ଟ୍ରେଲରରେ ନୁପୁର ଶର୍ମାଙ୍କ ବିବାଦୀୟ ବୟାନ, ଜ୍ଞାନବାପୀ ବିବାଦ ଏବଂ ମୁସଲିମ ସମ୍ପ୍ରଦାୟକୁ ଟାର୍ଗେଟ କରୁଥିବା ଦୃଶ୍ୟ ଅନ୍ତର୍ଭୁକ୍ତ ରହିଛି । ତେଣୁ ଜାମିୟତ ଉଲେମା-ଏ-ହିନ୍ଦ ଏହାକୁ ସାମ୍ପ୍ରଦାୟିକ ସଦ୍ଭାବନା ଉପରେ ପ୍ରଭାବ ପକାଇବ କହି ଫିଲ୍ମ ରିଲିଜକୁ ବନ୍ଦ କରିବା ପାଇଁ ଦିଲ୍ଲୀ, ମୁମ୍ବାଇ ଏବଂ ଗୁଜରାଟ ହାଇକୋର୍ଟରେ ଆବେଦନ ଦାଖଲ କରିଛି। ସଂଗଠନଗୁଡ଼ିକ ଅଭିଯୋଗ କରିଛନ୍ତି ଯେ ଫିଲ୍ମଟି ଘୃଣା ପ୍ରସାର ଦେଉଛି ଅନ୍ୟପଟେ ନିର୍ମାତା ଏଥିରେ ସତ୍ୟ ଦେଖାଇଥିବା ଦାବି କରୁଛନ୍ତି।