ରାଜସ୍ଥାନ ଚୁରୁରେ ବାୟୁସେନା ବିମାନ ଦୁର୍ଘଟଣାଗ୍ରସ୍ତ , ପାଇଲଟ୍ ମୃତ

ନନ୍ଦିଘୋଷ ବ୍ୟୁରୋ : ରାଜସ୍ଥାନ ଚୁରୁରେ ବୁଧବାର ବାୟୁସେନା ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହି ଦୁର୍ଘଟଣାଟି ରତ୍ନଗଡ଼ରେ ଘଟିଛି । ଘଟଣାସ୍ଥଳରୁ ପାଇଲଟଙ୍କ ମୃତଦେହ ମିଳିଛି । ଦୁର୍ଘଟଣା ନେଇ ସୂଚନା ପାଇବା ମାତ୍ରେ ପୋଲିସ ଏବଂ ପ୍ରଶାସନିକ ଅଧିକାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ  । ଦୁର୍ଘଟଣାଗ୍ରସ୍ତ ବିମାନଟି IAFର ଜାଗୁଆର ଫାଇଟର ଜେଟ୍ ବୋଲି ଜଣାପଡିଛି । ଏହି ପ୍ଲେନ୍ କ୍ରାସ୍ ଭାନୁଦା ଗ୍ରାମର ଏକ କ୍ଷେତରେ ଘଟିଛି । ଘଟଣାସ୍ଥଳରେ ପୋଲିସ ଓ ପ୍ରଶାସନର ଉଦ୍ଧାର କାର୍ଯ୍ୟ ଜାରି କରିଛନ୍ତି ।