ତୁରକେଲା ବ୍ଲକ ନାଗଫେଣା ଗାଁରେ ଥିବା ଅଶ୍ବତ୍ଥ ଗଛ ମୂଳରୁ ବାହାରୁଛି ନିରନ୍ତର ପାଣି

ନନ୍ଦିଘୋଷ ବ୍ୟୁରୋ : ବିସ୍ତୀର୍ଣ୍ଣ ସବୁଜିମା ପରିବେଶ । ପାଖରେ ବଡ ବଡ଼ ପଥର ଚଟାଣ । ଯେଉଁଥିରେ ପାଦୁକା ସହ ଅନ୍ଯ କଳାକୃତିର ରହିଛି ନିଖୁଣ ଛାପ । ଆଉ ପାଖରେ ଥିବା ପିପ୍ପଳ ବୃକ୍ଷ ତଳୁ ବାହାରୁଛି ଅନର୍ଗଳ ପାଣି । ଜଳଧାରା ଶୁଖିବାର ନାଁ ହିଁ ଧରୁନି । ତୁରେକେଲା ବ୍ଲକ ବଡଡ଼କଲା ପଂଚାୟତର ନାଗଫେଣା ଗାଁରେ ରହିଛି ଏଭଳି ଜଳ ଉତ୍ସ । ନାଗଫେଣା ଗାଁକୁ ପ୍ରବେଶ କରିବା ମାତ୍ରେ ବାମ ପାର୍ଶ୍ୱରେ ଥିବା ଏକ ଜମିରୁ ଦିନ ରାତି ବାହାରୁଛି ପାଣି । ଦୀର୍ଘ ଦଶନ୍ଧିରୁ ଏହି ପାଣି ବାହାରି ବିଲକୁ ବୋହିଯାଉଛି ବୋଲି କହିଛନ୍ତି ଗ୍ରାମବାସୀ ।

ଗଛ ତଳୁ ଏପରି ଜଳଧାର ବୋହୁଥିବା ଦେଖି ଗାଁ ଲୋକେ ଏକ ସିମେଣ୍ଟରେ କୁଣ୍ଡ ତିଆରି କରିଛନ୍ତି । ଏହି କୁଣ୍ଡ ଦେଇ ଏବେ ପାଣି ବାହାରୁଛି । ଏହି ଜଳ ଉତ୍ସ ପାଖରେ ଏକ ଜଗନ୍ନାଥ ମନ୍ଦିର ମଧ୍ୟ ରହିଛି । ତେବେ ଏହି ଜଳ ଉତ୍ସ ସ୍ଥଳକୁ ଏକ ପର୍ଯ୍ୟଟନ ସ୍ଥଳୀର ମାନ୍ୟତା ଦେବାକୁ ଦାବି କରିଛନ୍ତି ଗ୍ରାମବାସୀ । ଅନ୍ଯପଟେ ସରକାରଙ୍କ ପକ୍ଷରୁ ମଧ୍ଯ ଯାହା ହେବ ବ୍ଯବସ୍ଥା କରିବୁ ବୋଲି କହିଛନ୍ତି ବିଡିଓ । ନାଗଫେଣା ଗାଁର ଜଳ ଉତ୍ସ ଉପରେ ପ୍ରଶାସନ କେବେ ଧ୍ଯାନ ଦେବ ତାହା ଉପରେ ସମସ୍ତଙ୍କ ନଜର ରହିଛି ।