ଭାରତର ବନ୍ଧୁ ରାଷ୍ଟ୍ରଗୁଡ଼ିକୁ କାହିଁକି ଗସ୍ତ କରୁଛନ୍ତି ଅସିମ ମୁନୀର? ପାକିସ୍ତାନ-ଚୀନର ବଡ଼ ଷଡ଼ଯନ୍ତ୍ର !

ଆମେରିକା, ଫ୍ରାନ୍ସ,, ଆଫ୍ରିକା ଓ ଲାଟିନ ଆମେରିକାର କିଛି ଅଂଶର ପ୍ରମୁଖ ଶକ୍ତିଙ୍କ ସହିତ ଭାରତର ସମ୍ପର୍କ ବଢ଼ିବାରେ ଲାଗିଛି । ଏହାଦ୍ବାରା ଭାରତର ଦୁଇ ପଡ଼ୋଶୀ ଚୀନ ଓ ପାକିସ୍ତାନ ନିଜକୁ ଅଲଗା ମନେକରୁଛନ୍ତି । ତେଣୁ ଏହି ଦୁଇ ରାଷ୍ଟ୍ର ଭାରତ ବିରୋଧରେ ଷଡ଼ଯନ୍ତ୍ର କରୁଥିବା ଜଣାପଡ଼ିଛି । ପାକିସ୍ତାନର ସେନାମୁଖ୍ୟ ଫିଲ୍ଡ ମାର୍ଶଲ ଅସିମ ମୁନୀର ଜୁଲାଇ ୨୦ରୁ ୧ ସପ୍ତାହ ପାଇଁ ୩ଟି ଦେଶ ଗସ୍ତରେ ଯିବେ । ଗ୍ଲୋବାଲ ସାଉଥରେ ହ୍ରାସ ପାଇଥିବା ପ୍ରଭାବକୁ ପୁନର୍ଜିବିତ କରିବାକୁ ଇସଲାମାବାଦ ପ୍ରୟାସ କରିବ ବୋଲି କୁହାଯାଉଛି । ପାକିସ୍ତାନୀ ସେନା ସୂତ୍ରରୁ ପ୍ରକାଶ, ମୁନୀର ଜୁଲାଇ ୨୦-୨୨ ପର୍ଯ୍ୟନ୍ତ ଶ୍ରୀଲଙ୍କା ଗସ୍ତ କରିବେ ଓ ଚୀନରେ ରହିବେ । ପୁଣି ୨୪-୨୬ ପର୍ଯ୍ୟନ୍ତ ଇଣ୍ଡୋନେସିଆ ଯାତ୍ରା କରିବେ ।

ମୁନୀରଙ୍କ ଯାତ୍ରା ଏକ ସାଧାରଣ ସୈନ୍ୟ କୂଟନୀତି ଲାଗୁଥାଇପାରେ, ମାତ୍ର ଏହା ମଧ୍ୟରେ ଏକ ସିକ୍ରେଟ ରହିଛି । ଗ୍ଲୋବାଲ ସାଉଥରେ ଭାରତର ପ୍ରଭାବ ବୃଦ୍ଧିକୁ ନେଇ ଚୀନ-ପାକ୍ ଘବରାଇ ଯାଇଛନ୍ତି । ତେଣୁ ଏହି ଯାତ୍ରା ମାଧ୍ୟମରେ ଦିଲ୍ଲୀର ବର୍ଦ୍ଧିତ ପ୍ରଭାବକୁ ହ୍ରାସ କରିବା ପାଇଁ ପ୍ରୟାସ କରାଯାଉଛି । ଜି-୨୦, ବ୍ରିକ୍ସ ଓ ଆଇଏମଇସି ପରି ମଞ୍ଚରେ ଭାରତର ନେତୃତ୍ବକାରୀ ଭୂମିକାକୁ ଚୀନ ହଜମ କରିପାରୁନାହିଁ । ଏ କ୍ଷେତ୍ରରେ ଭାରତର ପ୍ରଭାବକୁ ମୁକାବିଲା କରିବାରେ ଚୀନ-ପାକ୍ ପଛରେ ପଡ଼ିଯାଇଥିବା ସ୍ପଷ୍ଟ ହୋଇଛି । ଗ୍ଲୋବାଲ ସାଉଥରେ ଦଶନ୍ଧି ଧରି ପାକିସ୍ତାନର ବିଶ୍ବସନୀୟତା ନିମ୍ନସ୍ତରରେ ରହିଛି । ଦୁର୍ବଳ ଅର୍ଥବ୍ୟବସ୍ଥା, ଅରାଜକତା, ଆତଙ୍କବାଦ ଆଦି ବିଭିନ୍ନ ଛବିକୁ ନେଇ ପାକିସ୍ତାନ ଚିନ୍ତାରେ ପଡ଼ିଯାଇଛି । ଏବେ ପାକିସ୍ତାନୀ ସେନା ତାହାକୁ ସୁଧାରିବାକୁ ପ୍ରୟାସ ଆରମ୍ଭ କରିଦେଇଛି । ବିଭିନ୍ନ ଦେଶ ସହ ଭାରତର ସୁସମ୍ପର୍କ ରହିଥିବା ବେଳେ କୋଭିଡ-୧୯ ସମୟରେ ଭାରତର ବିଭିନ୍ନ ଦେଶକୁ ସହୟତା ପ୍ରଦାନ କରିଥିଲା । ଭାରତ ଏସିଆ, ଆଫ୍ରିକା ଓ ଲାଟିନ ଆମେରିକାର ଦେଶଙ୍କ ସହ ପ୍ରତିରକ୍ଷା-ଆର୍ଥିକ ବୁଝାମଣା ସ୍ଥାପନା କରିଛି ।