ଯୁବକଙ୍କ ଝୁଲନ୍ତା ମୃତଦେହକୁ ନେଇ ବଢୁଛି ସନ୍ଦେହ; ଯୋଜନାବଦ୍ଧ ହତ୍ୟାକାଣ୍ଡ ଅଭିଯୋଗ ଆଣିଲେ ପରିବାର
1 min read
ନନ୍ଦିଘୋଷ ବ୍ୟୁରୋ : ଭୁବନେଶ୍ୱର ଭରତପୁର ଥାନା ପଣ୍ଡାକୁଦିଆ ଅଞ୍ଚଳରୁ ଜଣେ ଯୁବକଙ୍କ ଝୁଲନ୍ତା ମୃତଦେହକୁ ନେଇ ବଢିଛି ସନ୍ଦେହ । ପରିବାର ଲୋକେ ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ କହୁଥିବାବେଳେ ପୋଲିସ ଜୋରଜବରଦସ୍ତ ଏହାକୁ ଆତ୍ମହତ୍ୟାର ରୂପ ଦେବାକୁ ଚେଷ୍ଟା ଚଳାଇଥିବା ଅଭିଯୋଗ ହୋଇଛି । ମୃତକଙ୍କ ପତ୍ନୀଙ୍କୁ ଆତ୍ମହତ୍ୟା ବୋଲି ରିପୋର୍ଟରେ ଦର୍ଶାଇବାକୁ ଚାପ ପକାଇଲେ ଭରତପୁର ଥାନାର SI ବୈକୁଣ୍ଠ ନାଥ ବେହେରା । ମୃତ ଯୁବକ ହେଉଛନ୍ତି ଶିବ ପ୍ରସାଦ ବାରିକ । ଶିବଙ୍କ ଘର ଯାଜପୁର ସୁଜନପୁରରେ । ସେ ଗତକାଲି ତାଙ୍କ ଶ୍ୱଶୁର ଘର ପଣ୍ଡାକୁଦିଆକୁ ଆସିଥିବାବେଳେ ତାଙ୍କର ଝୁଲନ୍ତା ମୃତଦେହ ମିଳିବା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।
