ପ୍ରବଳ ବର୍ଷାରେ କେନ୍ଦୁଝର ଜିଲ୍ଲାର ହାଲ୍ ବେହାଲ, ଘାଟିରୁ ପଥର ଖସି ଯାତାୟାତ ବାଧାପ୍ରାପ୍ତ

ନନ୍ଦିଘୋଷ ବ୍ୟୁରୋ : ପ୍ରବଳ ବର୍ଷାରେ କେନ୍ଦୁଝର ଜିଲ୍ଲାର ହାଲ୍ ବେହାଲ। ୪୯ ନମ୍ବର ଜାତୀୟ ରାଜପଥ ଜୁଡ଼ିଆ ଘାଟିରେ ରାସ୍ତା ଉପରେ ପଥର ଖସିବାରୁ ଯାତାୟାତ ବାଧାପ୍ରାପ୍ତ ହୋଇଛି । ୨ଟି ବଡ ପଥର ଖସିଥିବା ବେଳେ, ଗୋଟିଏ ପଥରକୁ NHAI ପକ୍ଷରୁ ହଟାଯାଇଛି। ଅନ୍ୟ ପଥରକୁ ହଟାଇବାକୁ ଚେଷ୍ଟା ଜାରି ରହିଛି। ବର୍ଷା ଯୋଗୁ କାଞ୍ଜିପାଣି ଘାଟିରେ ମଧ୍ୟ ଉପରୁ ପଥର ଓ ମାଟି ଖସି ରାସ୍ତା ଅବରୋଧ ହୋଇଛି। ଲଗାଣ ବର୍ଷା ହେବାରୁ କେନ୍ଦୁଝରଗଡ ପୌରପାଳିକାର ସ୍ପଞ୍ଜ କଲୋନୀ, ଗ୍ରାମଶ୍ରୀ କଲୋନୀ ଆଦିରେ ପାଣି ଜମି ରହିଛି । ଫଳରେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।