ସ୍ୱାମୀ ନଥିବା ବେଳେ ସ୍ତ୍ରୀକୁ ହତ୍ୟା; ମହିଳାଙ୍କ ମୁଣ୍ଡ ଗଣ୍ଡି ଅଲଗା କରିଦେଲେ ଦୁର୍ବୃତ୍ତ

ନନ୍ଦିଘୋଷ ବ୍ୟୁରୋ  : ମହିଳାଙ୍କ ମୁଣ୍ଡ ଗଣ୍ଡି ଅଲଗା କରିଦେଲେ ଦୁର୍ବୃତ୍ତ । ମୟୂରଭଞ୍ଜ ଜିଲ୍ଲା ତିରିଂ ଥାନା ଦେଓଗାମ ଅଞ୍ଚଳରେ ଘଟିଛି ଏହି ହତ୍ୟାକାଣ୍ଡ । ମୃତ ମହିଳା ଜଣକ ହେଲେ ସୁହାଗି ବୈପାଇ । ସ୍ବାମୀ ଗାଁରେ ଫୁଟବଲ ଖେଳ ଦେଖିବାକୁ ଯାଇଥିବା ବେଳେ ଗତ କାଲି ବିଳମ୍ୱିତ ରାତିରେ ଘରେ କେହି ନଥିବାର ସୁଯୋଗ ନେଇ ଏଭଳି କାଣ୍ଡ ଦୁର୍ବୃତ୍ତ ଭିଆଇଥିବା ସ୍ବାମୀ ଅଭିୟୋଗ କରିଛନ୍ତି । ଘଟଣା ସ୍ଥଳରେ ତୀରିଂ ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି । ତେବେ କିଭଳି ପରିସ୍ଥିତିରେ କିଏ କେଉଁ କାରଣରୁ ଏଭଳି କାଣ୍ଡ ଘଟାଇଛି ତାହା ଏବେ ତଦନ୍ତ ଚାଲିଥିବା କହିଛି ପୋଲିସ ।